Begin typing your search above and press return to search.
exit_to_app
exit_to_app
Posted On
date_range 12 Dec 2017 5:32 AM GMT Updated On
date_range 12 Dec 2017 5:32 AM GMTരാജസ്ഥാനിലെ അറുകൊല; കേസ് ബംഗാളിലേക്ക് മാറ്റണമെന്ന് കുടുംബം
text_fieldsbookmark_border
ന്യൂഡൽഹി: രാജസ്ഥാനിലെ രാജസമന്ദറിൽ അഫ്റസൂൽ എന്ന യുവാവിനെ അറുകൊലക്ക് വിധേയമാക്കിയ കേസ് ബംഗാൾ ഹൈകോടതിയിലേക്ക് മാറ്റണമെന്ന് കുടുംബം. കേസുമായി ബന്ധപ്പെട്ട് രാജസ്ഥാനിലേക്ക് പോവാൻതന്നെ ഭയമാണെന്നും അവിടെ േപായി കേസ് നടത്താനുള്ള സാമ്പത്തിക ഭാരം താങ്ങാൻ കുടുംബത്തിന് ആവില്ലെന്നും അഫ്റസൂലിെൻറ സഹോദരൻ റൂം ഖാൻ പറഞ്ഞു. ഇതുമായി ബന്ധപ്പെട്ട് ബംഗാൾ ഹൈകോടതിയിലും സുപ്രീംകോടതിയിലും ഹരജി നൽകും. സംസ്ഥാന മനുഷ്യാവകാശ കമീഷനെയും സമീപിക്കും. കേസുമായി ബന്ധപ്പെട്ട് ആവശ്യമായ എല്ലാ സഹായവും നൽകുമെന്ന് അഫ്റസൂലിെൻറ കുടുംബത്തെ സന്ദർശിച്ചതിന് ശേഷം തൃണമൂൽ കോൺഗ്രസ് നേതാക്കൾ വ്യക്തമാക്കി. കഴിഞ്ഞ ദിവസം അഫ്റസൂലിെൻറ നാട്ടുകാരും േയാഗം ചേർന്ന് കേസുമായി ബന്ധപ്പെട്ട് തുടർ നടപടികൾ ചർച്ച ചെയ്തിരുന്നു. കൊൽക്കത്തയിൽനിന്ന് 350 കിലോമീറ്റർ അകലെയുള്ള മാൽഡയിലെ സായിദ്പുരിലാണ് അഫ്റസൂലിെൻറ വീട്. ജോലി തേടി 14ാം വയസ്സിലാണ് അഫ്റസൂൽ രാജസ്ഥാനിലെ രാജസമന്ദറിൽ എത്തിയത്. കൊലയാളിക്ക് വധശിക്ഷ വാങ്ങി നൽകുംവരെ നിയമപോരട്ടം നടത്തുമെന്നും അവർ വ്യക്തമാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story