Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightനീലക്കുറിഞ്ഞി...

നീലക്കുറിഞ്ഞി ഉദ്യാനസന്ദർശന സംഘത്തിൽ തന്നെ ഉൾപ്പെടുത്തിയതിൽ പത്രക്കാർക്ക് വിഷമം ^മന്ത്രി എം.എം. മണി

text_fields
bookmark_border
നീലക്കുറിഞ്ഞി ഉദ്യാനസന്ദർശന സംഘത്തിൽ തന്നെ ഉൾപ്പെടുത്തിയതിൽ പത്രക്കാർക്ക് വിഷമം -മന്ത്രി എം.എം. മണി കോതമംഗലം: നീലക്കുറിഞ്ഞി ഉദ്യാനം സന്ദർശിക്കാനുള്ള സംഘത്തിൽ തന്നെ ഉൾപ്പെടുത്തിയതിൽ പത്രക്കാർക്കാണ് ഏറെ വിഷമമെന്ന് മന്ത്രി എം.എം. മണി. രണ്ടു മന്ത്രിമാർ യോഗ്യന്മാരും ഈയുള്ളവൻ എന്തോ അബദ്ധം ചെയ്യുന്നവനാണ് എന്ന മട്ടിലാണ് കൊണ്ടുവരുന്നത്. സി.പി.എം കവളങ്ങാട് ഏരിയ സമ്മേളനത്തി​െൻറ സമാപന പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സംഘത്തിൽ എന്നെ ഉൾപ്പെടുത്തിയത് ഒരു പത്രക്കാരനും ദഹിക്കുന്നില്ല. ഇനി സഹിക്കാതെ വഴിയില്ല. ഞാൻ നിങ്ങളുടെ സഹായത്താൽ നേതാവായതല്ല. ഇവിടത്തെ കുടിയേറ്റത്തിന് 400 വർഷത്തിലെറെ പഴക്കമുണ്ട്. 2400ഓളം വരുന്ന മനുഷ്യരുടെ പ്രശ്നമാണത്. എനിക്കവിടെ ഭൂമിയില്ല. 11ാം തീയതി ജനപ്രതിനിധികളുടെ യോഗവും 12ന് സ്ഥലം സന്ദർശനവും നടക്കുമെന്ന് അദ്ദേഹം പറഞ്ഞു. പി.എൻ. ബാലകൃഷ്ണൻ അധ്യക്ഷത വഹിച്ചു. ഏരിയ സെക്രട്ടറി ഷാജി മുഹമ്മദ്, കെ. ചന്ദ്രൻപിള്ള, ആൻറണി ജോൺ എം.എൽ.എ, ആർ. അനിൽകുമാർ എന്നിവർ സംസാരിച്ചു.
Show Full Article
TAGS:LOCAL NEWS 
Next Story