നഗരസഭ ശുചിത്വ പരിപാടിക്ക് തുടക്കം
text_fieldsനീലേശ്വരം: നീലേശ്വരം നഗരസഭയെ ഹരിത ശുചിത്വ നഗരസഭയായി ഉയർത്താൻ വിവിധ പരിപാടി കൾ ആവിഷ്കരിച്ച് നടപ്പാക്കിവരുകയാണെന്ന് നഗരസഭാധികൃതർ വാർത്തസമ്മേളനത്തിൻ അറിയിച്ചു. ഇതിെൻറ ഭാഗമായി പരിശീലന പരിപാടികൾ, ബോധവത്കരണ ക്ലാസുകൾ എന്നിവ നടത്തുന്നുണ്ട്. രാഷ്ട്രപിതാവിെൻറ 150ാം ജന്മദിനാഘോഷത്തിെൻറ ഭാഗമായി നടത്തുന്ന പരിപാടി ജനുവരി 26 വരെ നീണ്ടുനിൽക്കും. ക്ലീൻ ഗ്രീൻ നീലേശ്വരം എന്ന ഈ പദ്ധതിയുടെ ഭാഗമായി ഈമാസം മുഴുവൻ വാർഡുകളിലും സന്നദ്ധ പ്രവർത്തകർ, സംഘടനകൾ, റസിഡൻറ്സ് അസോസിയേഷൻ, ക്ലബുകൾ എന്നിവയുടെ സഹകരണത്തോടെ ശുചീകരണ പ്രവർത്തനങ്ങൾ നടത്തും. ഇതിനായി ഹരിത കർമസേനയുടെ പ്രവർത്തനങ്ങൾ വ്യാപിപ്പിക്കും.
വ്യാപാരി വ്യവസായികൾ, കുടുംബശ്രീ അയൽക്കൂട്ടങ്ങൾ, തെരഞ്ഞെടുക്കപ്പെട്ട വിദ്യാർഥികൾ, സ്ഥാപനങ്ങൾ, വിദ്യാലയങ്ങൾ, തൊഴിലുറപ്പ് തൊഴിലാളികൾ, ട്രേഡ് യൂനിയൻ അംഗങ്ങൾ, ആശ വർക്കർമാർ, അംഗൻവാടി വർക്കർമാർ എന്നിവർക്ക് പരിശീലനവും ബോധവത്കരണ ക്ലാസും നടത്തും.11, 12 തീയതികളിൽ പൊതുശുചീകരണം, നവംബർ ഒന്നിന് ശുചിത്വ പ്രതിജ്ഞ, ഡിസംബർ ഒന്നുമുതൽ 15വെര ഇ-മാലിന്യം ശേഖരിക്കൽ, ജനുവരി 26ന് അവാർഡ് വിതരണം, റിപ്പബ്ലിക് റാലി എന്നിവ നടക്കും. പരിശീലന പരിപാടി വെള്ളിയാഴ്ച രാവിലെ 7.30ന് കുടുംബശ്രീ ഹാളിൽ ഇ.പി. രാജമോഹൻ ഉദ്ഘാടനം ചെയ്യും. വാർത്തസമ്മേളനത്തിൽ നഗരസഭ സെക്രട്ടറി ടി. മനോജ് കുമാർ, കെ.പി. സുബൈർ, ടി.വി. രാജൻ, ബി. ബാലകൃഷ്ണൻ എന്നിവർ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.