സ്വകാര്യ കെട്ടിടത്തിലെ മാലിന്യം നാട്ടുകാർക്ക്​ ദുരിതമാകുന്നു

കാ​ഞ്ഞ​ങ്ങാ​ട്: ജ​ന​ങ്ങ​ള്‍ തി​ങ്ങി​പ്പാ​ര്‍ക്കു​ന്ന സ്ഥ​ല​ത്ത് സ്വ​കാ​ര്യ​വ്യ​ക്തി​യു​ടെ ഹോ​സ്​​റ്റ​ല്‍ കെ​ട്ടി​ട​ത്തോ​ട് ചേ​ര്‍ന്ന് മാ​ലി​ന്യം കൂ​ട്ടി​യി​ടു​ന്ന​ത്​ നാ​ട്ടു​കാ​ർ​ക്ക്​ ദു​രി​ത​മാ​കു​ന്നു. മാ​ലി​ന്യം കു​ന്നു​കൂ​ടി​യ​ത്​ അ​ധി​കൃ​ത​രെ അ​റി​യി​ച്ചി​ട്ടും ന​ട​പ​ടി​ക​ളൊ​ന്നു​മി​ല്ലെ​ന്ന്​ നാ​ട്ടു​കാ​രു​ടെ പ​രാ​തി. കോ​ട്ട​ച്ചേ​രി ന​ഗ​ര​ത്തോ​ട് ചേ​ര്‍ന്ന ആ​വി​ക്ക​ര ഗാ​ര്‍ഡ​ര്‍വ​ള​പ്പ് റോ​ഡ​രി​കി​ലെ സ്വ​കാ​ര്യ​വ്യ​ക്തി​യു​ടെ കെ​ട്ടി​ട സ​മു​ച്ച​യ​ത്തി​ലാ​ണ് മാ​ലി​ന്യം നി​റ​ഞ്ഞ്​ ക​വി​യു​ന്ന ക​ക്കൂ​സ് ടാ​ങ്കു​ക​ളും തു​റ​ന്നു കി​ട​ക്കു​ന്ന മ​ലി​ന​ജ​ല ടാ​ങ്കു​മു​ള്ള​ത്.വ​ര്‍ഷ​ങ്ങ​ളാ​യി ലേ​ഡീ​സ് ഹോ​സ്​​റ്റ​ലാ​യി പ്ര​വ​ര്‍ത്തി​ച്ചി​രു​ന്ന ബ​ഹു​നി​ല കെ​ട്ടി​ടം പൊ​ട്ടി​പ്പൊ​ളി​ഞ്ഞ്​ ഉ​പ​യോ​ഗ​ശൂ​ന്യ​മാ​യ​തി​നെ തു​ട​ര്‍ന്ന് ഹോ​സ്​​റ്റ​ല്‍ ഒ​ഴി​വാ​ക്കു​ക​യാ​യി​രു​ന്നു.

വ​ര്‍ഷ​ങ്ങ​ളോ​ളം അ​ട​ഞ്ഞു​കി​ട​ന്ന ഈ ​കെ​ട്ടി​ടം മ​റ്റൊ​രാ​ൾ ലീ​സി​നെ​ടു​ത്ത് അ​റ്റ​കു​റ്റ​പ്പ​ണി ന​ട​ത്തി ഇ​ത​ര​സം​സ്ഥാ​ന തൊ​ഴി​ലാ​ളി​ക​ള്‍ക്ക്​ വ​ന്‍തു​ക വാ​ട​ക വാ​ങ്ങി​ന​ല്‍കു​ക​യാ​യി​രു​ന്നു. നൂ​റു​ക​ണ​ക്കി​ന് ഇ​ത​ര​സം​സ്ഥാ​ന തൊ​ഴി​ലാ​ളി​ക​ളാ​ണ് ഇ​വി​ടെ അ​ന്തേ​വാ​സി​ക​ളാ​യി ക​ഴി​യു​ന്ന​ത്. നി​റ​ഞ്ഞു​ക​വി​ഞ്ഞ ക​ക്കൂ​സ് ടാ​ങ്കി​ല്‍നി​ന്ന്​ മാ​ലി​ന്യം ചു​റ്റു​പാ​ടും പ​ര​ന്നൊ​ഴു​കി പ​രി​സ​ര​വാ​സി​ക​ള്‍ക്കും വ​ഴി​യാ​ത്ര​ക്കാ​ര്‍ക്കും രോ​ഗ​ഭീ​ഷ​ണി ഉ​യ​ർ​ത്തു​ന്നു​ണ്ട്. പൊ​ട്ടി​യൊ​ഴു​കു​ന്ന ക​ക്കൂ​സ് ടാ​ങ്കി​​െൻറ പ​രി​സ​ര​ത്ത്​ നാ​ലോ​ളം ക്വാ​ര്‍ട്ടേ​ഴ്‌​സു​ക​ളി​ലേ​ക്ക് കു​ടി​വെ​ള്ളം ശേ​ഖ​രി​ക്കു​ന്ന കു​ഴ​ല്‍ക്കി​ണ​റും പ്ര​വ​ര്‍ത്തി​ക്കു​ന്നു​ണ്ട്. ഇ​തു​സം​ബ​ന്ധി​ച്ച് പ​രി​സ​ര​വാ​സി​ക​ള്‍ ന​ഗ​ര​സ​ഭ​ക്കും മ​റ്റും പ​രാ​തി ന​ല്‍കി​യെ​ങ്കി​ലും ഇ​തു​വ​രെ ന​ട​പ​ടി​യൊ​ന്നു​മു​ണ്ടാ​യി​ട്ടി​ല്ലെ​ന്ന് നാ​ട്ടു​കാ​ര്‍ പ​രാ​തി​
പ്പെ​ട്ടു.