ജില്ലകളിൽ സ്പോർട്സ് സ്കൂളുകൾ സ്ഥാപിക്കും –മന്ത്രി ഇ.പി. ജയരാജൻ
text_fieldsനീലേശ്വരം: കായിക പരിശീലനത്തിനായി എല്ലാ ജില്ലകളിലും സ്പോർട്സ് സ്കൂളുകൾ സ്ഥാപിക്കു മെന്ന് മന്ത്രി ഇ.പി. ജയരാജൻ. കൊയാമ്പുറം സംഗം ആർട്സ് ആൻഡ് സ്പോർട്സ് ക്ലബിെൻറ 43ാം വാർഷ ികാഘോഷവും ക്ലബിന് നിർമിച്ച പുതിയ കെട്ടിടവും ഉദ്ഘാടനംചെയ്ത് സംസാരിക്കുകയായിരുന ്നു അദ്ദേഹം. പെൺകുട്ടികളുൾപ്പെടെയുള്ള കായികതാരങ്ങൾ നമ്മുടെ നാട്ടിൽ കായികരംഗത്ത് വളർന്നുവരണം. 44 ഇൻഡോർ സ്റ്റേഡിയങ്ങളുടെ നിർമാണപ്രവർത്തനം നടന്നുവരുന്നു. ഓരോ സ്കൂൾ സബ്ജില്ലകളിലും യോഗ പരിശീലന കേന്ദ്രങ്ങൾ ആരംഭിക്കാനും സർക്കാർ മുൻകൈയെടുത്തുവരുന്നു. കാസർകോട് മുതൽ തിരുവനന്തപുരം വരെയുള്ള തീരപ്രദേശങ്ങളിൽ ബീച്ച് ഗെയിംസ് സംഘടിപ്പിക്കുന്നതിന് കേരളസർക്കാർ തീരുമാനിച്ചിട്ടുണ്ട്.
കബഡിയുടെ നാടായ കൊയാമ്പുറത്ത് കബഡിയുടെ ഉന്നമനത്തിനായി വേണ്ടത് ചെയ്യാം എന്നും അദ്ദേഹം പറഞ്ഞു. എം. രാജഗോപാലൻ എം.എൽ.എ അധ്യക്ഷതവഹിച്ചു. സംസ്ഥാന ബീഡി തൊഴിലാളി ക്ഷേമനിധി ബോർഡ് ചെയർമാൻ കെ. ബാലകൃഷ്ണൻ ഫോട്ടോ അനാച്ഛാദനംചെയ്തു. നഗരസഭ ചെയർമാൻ പ്രഫ. കെ.പി. ജയരാജൻ ബ്രോഷർ പ്രകാശനംചെയ്തു. ടി.വി. കൃഷ്ണൻ ഏറ്റുവാങ്ങി. ക്ലബ് കെട്ടിടം ഡിസൈൻ ചെയ്ത കെ.എം. ബിനീഷിനെ നഗരസഭ വൈസ് ചെയർപേഴ്സൻ വി. ഗൗരി ഉപഹാരം നൽകി ആദരിച്ചു. ബാലവേദി ലൈബ്രറി നഗരസഭ കൗൺസിലർ എറുവാട്ട് മോഹനൻ ഉദ്ഘാടനംചെയ്തു.
നഗരസഭ സ്റ്റാൻഡിങ് കമ്മിറ്റി ചെയർമാൻ പി.പി. മുഹമ്മദ് റാഫി ഉന്നതവിജയികളെ അനുമോദിച്ചു. സിനിമാതാരം ഉണ്ണിരാജ് ചെറുവത്തൂർ മുഖ്യാതിഥിയായി. കെ.വി. ഗീത, പി.കെ. രതീഷ്, പി. പത്മനാഭൻ, ഏറുംപുറം മുഹമ്മദ്, ടി.കെ. സുജിത്ത്, ഗംഗാധരൻ, സദാശിവൻ, സമീർ, ടി.വി. സുരേഷ് എന്നിവർ സംസാരിച്ചു. സംഘാടകസമിതി ചെയർമാൻ കെ.എം. രാജൻ സ്വാഗതവും കെ.എം. അനിൽകുമാർ നന്ദിയും പറഞ്ഞു. തിങ്കളാഴ്ച രാവിലെ 10 മുതൽ വിവിധ കല-കായിക പരിപാടികൾ നടക്കും. വൈകീട്ട് ഏഴിന് പ്രാദേശിക കലാകാരന്മാർ അവതരിപ്പിക്കുന്ന കലാസന്ധ്യ അരങ്ങേറും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.