പൗരത്വ സമരം അവകാശമാണ് –ജസ്റ്റിസ് കെമാൽ പാഷ
text_fieldsകണ്ണൂർ: ജനാധിപത്യ വ്യവസ്ഥയിൽ സമരംചെയ്യുക എന്നത് അവകാശമാണെന്നും രാജ്യദ്രോഹമല ്ലെന്നും ജസ്റ്റിസ് ബി. കെമാൽ പാഷ. കണ്ണൂർ സ്റ്റേഡിയം കോർണറിൽ ഭരണഘടന സംരക്ഷണസമിതി തുടങ്ങിയ ശാഹീൻ ബാഗ് സ്ക്വയറിലെ രണ്ടാംദിന സമരം ഉദ്ഘാടനം ചെയ്യുകയായിരുന്നു അദ്ദേഹം. പൗരത്വം ചോദ്യംചെയ്യപ്പെടുക എന്നത് ഒരാളുടെ അഭിമാനപ്രശ്നവും വൈകാരികതയുമാണ്. പൗരെൻറ വൈകാരികപ്രശ്നം കോടതിക്ക് തീരുമാനിക്കാനാവില്ല. സർക്കാറാണ് തീരുമാനിക്കേണ്ടത്. ജനാധിപത്യത്തിൽ സർക്കാറുകൾ ജനങ്ങളുടെ കൈകാര്യകർത്താക്കളാണ്. സർക്കാറിന് തെറ്റുപറ്റുമ്പോൾ ജനങ്ങൾക്ക് തിരുത്താൻ അവകാശമുണ്ട്. രാജ്യസ്നേഹപരമായ ഈ കടമയെ രാജ്യദ്രോഹമായി മുദ്രകുത്തുന്നത് ജനാധിപത്യത്തിൽ വിശ്വാസമില്ലാത്തവരാണ്.
പുതിയ അവകാശത്തിനോ മറ്റാരുടെയും അവകാശം ഹനിക്കുന്നതിനോ വേണ്ടിയല്ല മുസ്ലിംകൾ തെരുവിലിറങ്ങിയിരിക്കുന്നത്. ഇതര സമുദായങ്ങളെക്കൂടി തട്ടുകളാക്കി ഉന്മൂലനം ചെയ്യാനുള്ള വംശീയ അജണ്ടക്കെതിരായ സമരമാണിത്. ഹിന്ദുസങ്കൽപവും ഹിന്ദുത്വവും രണ്ടാണ്. ഫാഷിസ്റ്റ് അജണ്ട ഭൂരിപക്ഷസമൂഹം തിരിച്ചറിയണമെന്നും അദ്ദേഹം പറഞ്ഞു.അഡ്വ. അബ്ദുൽകരീം ചേലേരി അധ്യക്ഷത വഹിച്ചു. വിവിധ സംഘടനാനേതാക്കളായ സാദിഖ് ഉളിയിൽ, ശംസുദ്ദീൻ പാലക്കോട്, ഡോ. സുൽഫിഖർ, സി.പി. സലീം, മുഹമ്മദ് സാജിദ് നദ്വി, ഷക്കീർ ഫാറൂഖി, അബ്ദുന്നാസർ സ്വലാഹി, എം.ടി. നിസാർ, ഹനീഫ പാനൂർ തുടങ്ങിയവർ അഭിവാദ്യം ചെയ്തു. സി.കെ.എ. ജബ്ബാർ സ്വാഗതം പറഞ്ഞു. സമരത്തിെൻറ മൂന്നാം ദിവസമായ തിങ്കളാഴ്ച ജമാഅത്തെ ഇസ്ലാമി വനിത വിഭാഗത്തിെൻറ നേതൃത്വത്തിൽ സമരാവിഷ്കാരം നടത്തും. ആസുറ അലി, ഡോ. എം.ജി. മല്ലിക എന്നിവർ അതിഥികളായെത്തും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.