സമരപ്പുലരി....
text_fieldsകണ്ണൂർ: രാത്രിയുടെ തണുപ്പിലും പ്രതിഷേധത്തിെൻറ ചൂടിന് കുറവൊട്ടുമില്ല. പൗരത്വ ഭേദഗതി നിയമത്തിനെതിരെ പുതുവർഷരാവിൽ പ്രതിഷേധത്തിെൻറ വേറിട്ട കാഴ്ചയൊരുക്കി വിവിധ സംഘടനകൾ. ഡി.വൈ.എഫ്.െഎ, ഫ്രറ്റേണിറ്റി മൂവ്മെൻറ്, എസ്.എസ്.എഫ്, എസ്.ഡി.പി.െഎ എന്നീ സംഘടനകളാണ് രാത്രിപ്രതിഷേധം സംഘടിപ്പിച്ചത്. എസ്.എഫ്.ഐ പകൽ സാന്താക്ലോസ് സ്ട്രൈക് സംഘടിപ്പിച്ചു. പൗരത്വ ബില്ലിനെതിരെ രാത്രി 12ന് ഡി.വൈ.എഫ്.െഎയുടെ നേതൃത്വത്തിൽ നഗരത്തിൽ സംഘടിപ്പിച്ച സമരത്തിൽ പ്രവർത്തകർ പ്രതിജ്ഞയെടുത്തു. പുതുവർഷപ്പിറവിയെ സമരപ്രഖ്യാപന രാവാക്കിയായിരുന്നു ഫ്രറ്റേണിറ്റി പ്രവർത്തകർ ഒത്തുചേർന്നത്. മതം നോക്കി രാജ്യത്തെ വിഭജിക്കുന്ന ഭരണകൂടനിലപാട് പിൻവലിക്കണമെന്നാവശ്യപ്പെട്ട് കാൽടെക്സ് ഗാന്ധി പ്രതിമക്ക് മുന്നിൽ വൈകീട്ട് മുതൽ പാതിരാത്രി വരെ പ്രവർത്തകർ പ്രതിഷേധം സംഘടിപ്പിച്ചു. പൗരത്വ ഭേദഗതി നിയമം തള്ളിക്കളയുക, രാജ്യവ്യാപകമായി നടക്കുന്ന പ്രതിഷേധങ്ങളോട് ഐക്യപ്പെടുക, അന്യായമായി അറസ്റ്റിലാക്കപ്പെട്ട പൊന്നാനിയിലെ ആറുപേരെ ഉടൻ വിട്ടയക്കുക എന്നീ മുദ്രാവാക്യങ്ങളുയർത്തിയാണ് ഫ്രറ്റേണിറ്റി മൂവ്മെൻറ് ജില്ല കമ്മിറ്റിയുടെ നേതൃത്വത്തിൽ ‘ആസാദി ന്യൂ ഇയർ’ നടത്തിയത്.
വെൽഫെയർ പാർട്ടി സംസ്ഥാന സെക്രട്ടറി ജബീന ഇർഷാദ് ഉദ്ഘാടനം ചെയ്തു. ഡി.സി.സി പ്രസിഡൻറ് സതീശൻ പാച്ചേനി അഭിവാദ്യമർപ്പിച്ചു. വെൽഫെയർ പാർട്ടി ജില്ല പ്രസിഡൻറ് സൈനുദ്ദീൻ കരിവെള്ളൂർ, ഫ്രറ്റേണിറ്റി മൂവ്മെൻറ് ദേശീയ കമ്മിറ്റി അംഗം നസ്രീന ഇല്യാസ്, സംസ്ഥാന കമ്മിറ്റി അംഗം പി.ബി.എം. ഫർമീസ് എന്നിവർ സംസാരിച്ചു. ജില്ല പ്രസിഡൻറ് ജവാദ് അമീർ അധ്യക്ഷത വഹിച്ചു. ഫൈസൽ മാടായി, ശാഹിന ലത്തീഫ്, സി. ഇംതിയാസ്, േത്രസ്മ്മേ മാളിയേക്കൽ, റഹ്ന ടീച്ചർ, ഷബീർ എടക്കാട്, ആരിഫ മെഹബൂബ്, മുഹ്സിൻ ഇരിക്കൂർ, സി.കെ. അർഷദ്, കെ.പി. മശ്ഹൂദ് എന്നിവർ നേതൃത്വം ന
ൽകി.
‘ക്ഷുഭിത ഇന്ത്യ ഉറങ്ങുന്നില്ല’ എന്ന പ്രമേയത്തിൽ എസ്.എസ്.എഫ് ജില്ല കമ്മിറ്റി കണ്ണൂർ കാൽടെക്സിൽ സത്യഗ്രഹം സംഘടിപ്പിച്ചു. ഭരണഘടനയെതന്നെ ചോദ്യം ചെയ്യുന്ന നിയമനിർമാണങ്ങൾ നടത്തുകയും പ്രതിഷേധിക്കുന്നവരെയും ചോദ്യംചെയ്യുന്നവരെയും നിഷ്ഠൂരമായി അടിച്ചമർത്താൻ ശ്രമിക്കുകയും ചെയ്യുന്ന ഭരണകൂട ഭീകരതക്കെതിരെയാണ് സത്യഗ്രഹം സംഘടിപ്പിച്ചിച്ചത്. കെ.കെ. രാഗേഷ് എം.പി ഉദ്ഘാടനംചെയ്തു. എൻ. അബ്ദുലത്തീഫ് സഅദി പഴശ്ശി, കെ. അബ്ദുറഷീദ് നരിക്കോട്, റഷീദ് സഖാഫി മെരുവമ്പായി, ഫൈളുറഹ്മാൻ ഇർഫാനി, മുഹമ്മദ് സഖാഫി വള്ളിയാട്, ഫിർദൗസ് സുറൈജി, ഹനീഫ സഖാഫി തുടങ്ങിയവർ സംസാരിച്ചു. ദേശസ്നേഹ ഗാനങ്ങൾ ആലപിച്ചു.
എസ്.ഡി.പി.െഎ ജില്ല കമ്മിറ്റിയുടെ നേതൃത്വത്തിൽ കാൾടെക്സ് ജങ്ഷനിൽ ‘ഫാഷിസത്തിന് ചിതയൊരുക്കൽ’ എന്ന മുദ്രാവാക്യവുമായി പ്രതിഷേധസമരം സംഘടിപ്പിച്ചു. സി.പി. അജ്മൽ ഇസ്മായിൽ ഉദ്ഘാടനം ചെയ്തു. ജില്ല പ്രസിഡൻറ് എ.സി. ജലാലുദ്ദീൻ, ജനറൽ സെക്രട്ടറി ബഷീർ കണ്ണാടിപ്പറമ്പ്, കെ.കെ. അബ്ദുൽ ജബ്ബാർ, ഇബ്രാഹീം കൂത്തുപറമ്പ്, റഫീക്ക് കീച്ചേരി, ഷംസുദ്ദീൻ മൗലവി, അഡ്വ. കെ.പി. ഷബീർ തുടങ്ങിയവർ നേതൃത്വം നൽകി. രാത്രി 10.30ഒാടെ തുടങ്ങിയ പരിപാടി പാട്ടും മുദ്രാവാക്യം വിളികളുമായി പുലർച്ച രണ്ടുവരെ നീണ്ടു.
എസ്.എഫ്.ഐ കണ്ണൂർ ജില്ല കമ്മിറ്റിയുടെ നേതൃത്വത്തിൽ കണ്ണൂരിൽ സാന്താക്ലോസ് സ്ട്രൈക് സംഘടിപ്പിച്ചു. രാജ്യത്തെ മതത്തിെൻറ പേരിൽ വെട്ടിമുറിക്കുന്ന പൗരത്വ ഭേദഗതി നിയമത്തിനെതിരായ മുദ്രാവാക്യങ്ങളും പ്ലക്കാഡുകളും ബാനറുകളും ഉയർത്തി നൂറുകണക്കിന് സാന്താക്ലോസുകൾ ഒരുമിച്ച് കണ്ണൂരിലെ തെരുവിലിറങ്ങിയത് ജനങ്ങളെ വിസ്മയിപ്പിച്ചു. പുതുവർഷം പുലരാൻ മണിക്കൂറുകൾ മാത്രം ശേഷിക്കേ രാജ്യത്തെ സംരക്ഷിക്കാനുള്ള പുതു സർഗസമര പ്രഖ്യാപനമാണ് എസ്.എഫ്.ഐ സംഘടിപ്പിച്ചത്. കേന്ദ്ര കമ്മിറ്റി അംഗം എ.പി. അൻവീർ, ജില്ല സെക്രട്ടറി ഷിബിൻ കാനായി, പ്രസിഡൻറ് സി.പി. ഷിജു, കെ. ശ്രീജിത്ത്, എ. അഖിൽ, കെ. അനുശ്രീ, പി. ജിതിൻ, പി.എ. കിരൺ എന്നിവർ നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.