Begin typing your search above and press return to search.
exit_to_app
exit_to_app
Posted On
date_range 22 Feb 2018 5:32 AM GMT Updated On
date_range 22 Feb 2018 5:32 AM GMTഷുഹൈബ് വധം: പ്രതികളെ സഹായിക്കുന്നതരത്തിൽ പൊലീസ് ഇടപെെട്ടന്ന്
text_fieldsbookmark_border
കണ്ണൂർ: ഷുഹൈബ് വധക്കേസുമായി ബന്ധപ്പെട്ട് പ്രതികളെ സഹായിക്കുന്നതരത്തിൽ സംഭവദിവസം മട്ടന്നൂർ പൊലീസിെൻറ ഇടപെടലുണ്ടായെന്ന് വിവരം. സംഭവം നടന്ന് മുക്കാൽ മണിക്കൂറിനുശേഷമാണ് മട്ടന്നൂർ പൊലീസ് സ്ഥലത്തെത്തിയത്. പ്രതികൾക്ക് രക്ഷപ്പെടുന്നതിന് ഇൗസമയം മതിയായിരുന്നുവെന്നും ഇപ്പോഴും പ്രതികൾ സഞ്ചരിച്ച വാഹനത്തെക്കുറിച്ചുള്ള വിവരങ്ങൾപോലും ലഭ്യമല്ലാത്തത് ഇതുകൊണ്ടാണെന്നും പൊലീസിനിടയിൽതന്നെ സംസാരമുണ്ട്. വെേട്ടറ്റ ഷുഹൈബിനെ കണ്ണൂർ കൊയിലി ആശുപത്രിയിലാണ് എത്തിച്ചത്. കണ്ണൂർ ടൗൺ പൊലീസ് വിവരമറിഞ്ഞ് ബന്ധപ്പെടുേമ്പാൾ മട്ടന്നൂർ പൊലീസ് സംഭവസ്ഥലത്തേക്ക് പുറപ്പെട്ടിേട്ടയുള്ളൂ. സംഭവം നടന്ന് മുക്കാൽ മണിക്കൂറിനു ശേഷമാണ് ഇൗ കാര്യങ്ങൾ നടന്നത്. മട്ടന്നൂർ പൊലീസ് സംഭവത്തെ ഗൗരവത്തിലെടുക്കാതിരുന്നതിനെ തുടർന്ന് എസ്.പി സ്റ്റേഷൻ ചുമതലയിലുണ്ടായിരുന്നവരെ ശക്തമായ ഭാഷയിൽ ശകാരിച്ചിരുന്നു. എന്നാൽ, സ്റ്റേഷനിലെ ഫോൺ എൻഗേജ്ഡായിരുന്നുവെന്നാണ് പൊലീസുകാർ എസ്.പിക്ക് നൽകിയ മറുപടി. മറ്റ് എന്ത് അടിയന്തരസ്വഭാവമുള്ള പ്രശ്നങ്ങളാണ് അന്ന് വേറെ നടന്നതെന്ന ചോദ്യത്തിന് പൊലീസിന് മറുപടിയുണ്ടായില്ല.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story