Begin typing your search above and press return to search.
exit_to_app
exit_to_app
Posted On
date_range 18 Jun 2017 8:24 AM GMT Updated On
date_range 18 Jun 2017 8:24 AM GMTഗ്യാസ് സിലിണ്ടർ കയറ്റിയ ലോറി മറിഞ്ഞു
text_fieldsbookmark_border
കൂത്തുപറമ്പ്: ചിറ്റാരിപ്പറമ്പിനടുത്ത പതിനാലാംമൈലിൽ ഗ്യാസ് സിലിണ്ടർ കയറ്റിപ്പോവുകയായിരുന്ന ലോറി മറിഞ്ഞു. ഇന്നലെ പുലർച്ചെയോടെയാണ് മംഗലാപുരത്തുനിന്ന് വയനാട് ഭാഗത്തേക്ക് പോവുകയായിരുന്ന ലോറി അപകടത്തിൽപെട്ടത്. ഇരട്ടക്കുളങ്ങര ഭാഗത്ത് റോഡിെൻറ നടുവിലായി സ്ഥാപിച്ചിരുന്ന ഡിവൈഡറിൽ ഇടിച്ചശേഷം ലോറി മറിയുകയായിരുന്നു. എന്നാൽ, ഡ്രൈവറും സഹായിയും പരിക്കേൽക്കാതെ രക്ഷപ്പെട്ടു. ലോറിയിലുണ്ടായിരുന്ന ഗ്യാസ് സിലിണ്ടറുകൾ റോഡിലും സമീപത്തെ പറമ്പിലുമായി ചിതറിക്കിടക്കുകയായിരുന്നു. ഹിന്ദുസ്ഥാൻ പെട്രോളിയം കോർപറേഷെൻറ സിലിണ്ടറുമായി പോവുകയായിരുന്ന ലോറിയാണ് അപകടത്തിൽപെട്ടത്. കണ്ണവം പൊലീസും ഫയർഫോഴ്സും സ്ഥലത്തെത്തിയാണ് രക്ഷാപ്രവർത്തനം നടത്തിയത്. ലോറി പിന്നീട് െക്രയിൻ ഉപയോഗിച്ച് നീക്കംചെയ്തു. സംഭവത്തിൽ പൊലീസ് കേസെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story