Begin typing your search above and press return to search.
exit_to_app
exit_to_app
Posted On
date_range 14 Jun 2017 8:48 AM GMT Updated On
date_range 14 Jun 2017 8:48 AM GMTഅപകടക്കെണിയൊരുക്കുന്ന വൈദ്യുതിത്തൂണുകൾ മാറ്റാൻ തുടങ്ങി
text_fieldsbookmark_border
കണ്ണൂർ: ദേശീയപാതയോരത്ത് താണയിൽ റോഡിൽ അപകടക്കെണിയാകുന്ന വൈദ്യുതി പോസ്റ്റുകൾ നീക്കിത്തുടങ്ങി. ദേശീയപാത നവീകരണത്തിെൻറ ഭാഗമായി റോഡ് വീതികൂട്ടുന്നസമയത്ത് നീക്കംചെയ്യാൻ കഴിയാതിരുന്ന പോസ്റ്റുകളാണ് നീക്കുന്നത്. ദേശീയപാത നവീകരണത്തിെൻറ ഭാഗമായി കണ്ണൂർ നഗരത്തിൽ ഉൾെപ്പടെ പാതക്ക് വീതികൂട്ടിയിരുന്നു. എന്നാൽ, വൈദ്യുതിത്തൂണുകൾ ഇതോടൊപ്പം നീക്കുന്നതിന് സാധിച്ചിരുന്നില്ല. ഇതോടെ തൂണുകൾ അവിടെത്തന്നെ നിലനിർത്തി റോഡ് വികസിപ്പിക്കുകയായിരുന്നു. ഫലത്തിൽ പഴയ റോഡിെൻറ അറ്റത്തായിരുന്ന തൂണുകൾ ദേശീയപാതയുടെ നടുവിൽ ഇടംപിടിച്ച സ്ഥിതിയായി. ഇതോടെ അപകടങ്ങളും വർധിച്ചു. നഗരത്തിനും പരിസരത്തും മാത്രമായി നിരവധി അപകടങ്ങളാണുണ്ടായത്. കൊട്ടിയൂരിനുസമീപം ബസിൽനിന്ന് ഛർദിക്കാൻ തല പുറത്തേക്കിട്ട കുട്ടി ദാരുണമായി കൊല്ലപ്പെടുകയും ചെയ്തിരുന്നു. തൂണുകൾ മാറ്റുന്നതിന് ദേശീയപാതയും പി.ഡബ്ല്യൂ.ഡിയും നേരത്തെതന്നെ കെ.എസ്.ഇ.ബിയിൽ പണം കെട്ടിെവച്ചിട്ടുണ്ട്. ഇതനുസരിച്ച് ഒാരോ സെക്ഷനുകീഴിലുള്ള തൂണുകളും അതത് സെക്ഷനുകളിലെ ജീവനക്കാരാണ് മാറ്റുക. നിലവിൽ വീതികൂട്ടിയ പാതയോരത്ത് പുതിയ പോസ്റ്റുകൾ സ്ഥാപിച്ചാണ് പഴയ ലൈനുകൾ മാറ്റുന്നത്. കണ്ണൂർ നഗരത്തിൽ ഭൂഗർഭ ഇലക്ട്രിക്കൽ കേബിളുകൾ സ്ഥാപിക്കുന്നതിന് പദ്ധതിയുണ്ടെങ്കിലും ഇത് ഇഴഞ്ഞുനീങ്ങുകയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story