Begin typing your search above and press return to search.
exit_to_app
exit_to_app
Posted On
date_range 12 Jun 2017 8:22 AM GMT Updated On
date_range 12 Jun 2017 8:22 AM GMTപ്ലസ് വൺ ട്രയൽ അലോട്ട്മെൻറ് ഇന്ന്; ജില്ലയിലെ 5000ത്തിലധികം കുട്ടികൾക്ക് പ്രവേശനം ലഭിക്കില്ല
text_fieldsbookmark_border
കണ്ണൂർ: പ്ലസ് വൺ പ്രവേശനത്തിനുള്ള ട്രയൽ അലോട്ട്മെൻറ് ഇന്ന് നടക്കുമെന്നിരിെക്ക 5000ത്തിലധികം കുട്ടികൾക്ക് ജില്ലയിൽ റെഗുലർ രീതിയിൽ പ്രവേശനം ലഭിക്കില്ലെന്ന് ഉറപ്പായി. ജില്ലയിൽ ആകെ 33,018 പ്ലസ് വൺ സീറ്റുകളാണുള്ളത്. ഇവയിലേക്ക് ലഭിച്ച അപേക്ഷകളുടെ എണ്ണം 38,504 ആണ്. സപ്ലിമെൻററി അലോട്ട്മെൻറ് വരുേമ്പാൾ സേ പരീക്ഷ എഴുതി വിജയിച്ചവരുടെയും സി.ബി.എസ്.ഇ സ്കൂൾ എക്സാം പാസായവരുടെയും അപേക്ഷകൾ പരിഗണിക്കുേമ്പാൾ സീറ്റ് ലഭിക്കാത്തവരുടെ എണ്ണം ഇനിയും വർധിക്കും. സംസ്ഥാനതലത്തിൽ മികച്ചവിജയം കൈവരിക്കുേമ്പാഴും ഉപരിപഠനത്തിനുള്ള സീറ്റുകൾ ജില്ലയിൽ ആവശ്യത്തിന് വർധിപ്പിക്കുന്നില്ലെന്ന് പരാതിയുണ്ട്. ഇൗവർഷം 20 ശതമാനം സീറ്റുകൾ വർധിപ്പിച്ചിട്ടുണ്ട്. എന്നാൽ, പ്രവേശനത്തിനുള്ള കുട്ടികളുടെ എണ്ണത്തിന് ആനുപാതികമായല്ല വർധനയുണ്ടായത്. മറ്റ് ജില്ലകളിൽനിന്നുള്ള അപേക്ഷകളുമുണ്ടാവുമെന്നതാണ് അപേക്ഷകരുടെ എണ്ണം കൂടാൻ കാരണമെന്നാണ് വിദ്യാഭ്യാസവകുപ്പ് അധികൃതർ പറയുന്നത്. ട്രയൽ അലോട്ട്മെൻറ് നടക്കുന്നതോടെ സീറ്റുകളുടെയും പ്രവേശനത്തിെൻറയും യഥാർഥവിവരം ലഭ്യമാകും. ആദ്യ അലോട്ട്മെൻറ് ജൂൺ 19നാണ്. മുഖ്യ അലോട്ട്മെൻറിൽ അപേക്ഷിക്കുന്നതിനുള്ള തീയതി ജൂൺ 27നാണ് അവസാനിക്കുക. 28ന് ക്ലാസുകൾ ആരംഭിക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story