നഗരസഭയുടെ വികസന ഡോക്യുമെൻററി പ്രദര്‍ശനത്തിനൊരുങ്ങുന്നു

മട്ടന്നൂര്‍: മട്ടന്നൂര്‍ നഗരസഭ വികസനങ്ങള്‍ ഡോക്യുമ​െൻറി ചിത്രീകരണം പൂര്‍ത്തിയായി. നിലവിലെ ഭരണസമിതിയുടെ ഭരണ നേട്ടങ്ങള്‍ ജനങ്ങളിലെത്തിക്കുന്നതിനാണ് 5.7ലക്ഷം രൂപയുടെ ഡോക്യുമ​െൻററി പുറത്തിറക്കുന്നത്. പ്രഥമ പ്രദര്‍ശനം ഇന്നലെ കൗണ്‍സില്‍ ഹാളില്‍ നടന്നു. വരും ദിവസങ്ങളില്‍ നഗരസഭ പരിധിയിലെ എല്ലാ വാര്‍ഡുകളിലും ഇതു പ്രദര്‍ശിപ്പിക്കാനാണ് ചെയര്‍മാന്‍ കെ. ഭാസ്‌കരന്‍ മാസ്റ്ററുടെ ലക്ഷ്യം. പ്രതിപക്ഷ കൗണ്‍സിലി​െൻറ എതിര്‍പ്പിനെ മറികടന്നാണ് ഭരണസമിതി സര്‍ക്കാര്‍ സ്ഥാപനമായ സി.ഡിറ്റുമായി ധാരണയിലെത്തിയത്. 32ല്‍ 20പേരുടെ ഭൂരിപക്ഷത്തിലാണ് ഡോക്യുമ​െൻററി ചെയ്യുന്നതിന് അംഗീകാരം നേടിയിരുന്നത്. തനത് ഫണ്ടില്‍ നിന്നാണ് ഇതിനുള്ള തുക കണ്ടെത്തിയിരിക്കുന്നത്. നഗരസഭ ഡോക്യുമ​െൻററിക്കായി തനത് ഫണ്ട് ഉപയോഗിക്കുന്നതിനോട് യോജിക്കാന്‍ കഴിയില്ലെന്ന നിലപാടായിരുന്നു പ്രതിപക്ഷത്തിന്. കണ്‍വെന്‍ഷന്‍ മട്ടന്നൂര്‍: കേരള സ്റ്റേറ്റ് സർവിസ് പെന്‍ഷനേഴ്‌സ് യൂനിയന്‍ മട്ടന്നൂര്‍ ടൗണ്‍ കണ്‍വെന്‍ഷന്‍ മുന്‍ സംസ്ഥാന പ്രസിഡൻറ് പി.പി. ഗോവിന്ദന്‍ മാസ്റ്റര്‍ ഉദ്ഘാടനം ചെയ്തു. എ.എം. ശ്രീകുമാരി അധ്യക്ഷത വഹിച്ചു. സി.വി.കെ. നമ്പ്യാര്‍, കെ.എം. ബാലകൃഷ്ണന്‍ മാസ്റ്റർ, പി. ഭാസ്‌കരന്‍ എന്നിവര്‍ സംസാരിച്ചു.