Begin typing your search above and press return to search.
exit_to_app
exit_to_app
Posted On
date_range 1 July 2017 8:41 AM GMT Updated On
date_range 1 July 2017 8:41 AM GMTഉപഭോക്തൃ തർക്കപരിഹാര കമീഷനിൽ ഒഴിവുകൾ
text_fieldsbookmark_border
കണ്ണൂർ: വിവിധ ജില്ലകളിൽ ഉപഭോക്തൃ തർക്കപരിഹാര ഫോറത്തിൽ ഒഴിവുകളുണ്ട്. പത്തനംതിട്ട, ഇടുക്കി, കൊല്ലം ജില്ലകളിൽ വനിത അംഗം തസ്തികയിലേക്കും കൊല്ലം ജില്ലയിൽ പ്രസിഡൻറ് തസ്തികയിലേക്കും കാസർകോട് ജില്ലയിൽ മുഴുവൻ സമയ അംഗം (ജനറൽ) തസ്തികയിലേക്കുമാണ് അപേക്ഷിക്കേണ്ടത്. അപേക്ഷകർ അംഗീകൃത സർവകലാശാല ബിരുദമുള്ളവരും 35 വയസ്സോ അതിന് മുകളിലോ ഉള്ളവരും ധനതത്വം, നിയമം, േകാമേഴ്സ്, അക്കൗണ്ടൻസി, വ്യവസായം, പൊതുഭരണം, പൊതുകാര്യങ്ങൾ എന്നീ വിഷയങ്ങൾ കൈകാര്യം ചെയ്യുന്നതിൽ 10 വർഷത്തിൽ കുറയാത്ത പ്രവൃത്തിപരിചയം ഉള്ളവരുമാകണം. വനിത അംഗത്തിെൻറ നിയമന കാലാവധി അഞ്ചുവർഷം/ 67 വയസ്സ് (ഏതാണോ ആദ്യം അതുവരെ). പ്രസിഡൻറ് തസ്തിയിൽ നിയമനകാലാവധി അഞ്ചുവർഷം/ 65 വയസ്സ് (ഏതാണോ ആദ്യം അതുവരെ). അപേക്ഷാഫോറത്തിെൻറ മാതൃക കലക്ടറേറ്റുകളിലും ജില്ല സപ്ലൈ ഓഫിസുകളിലും ജില്ല ഉപഭോക്തൃ തർക്കപരിഹാര ഫോറങ്ങളിലും വെബ്സൈറ്റിലും ലഭിക്കും. സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പ് സഹിതം അപേക്ഷ ജൂലൈ അഞ്ചിന് മുമ്പ് ജില്ല കലക്ടർക്ക് സമർപ്പിക്കണം. പ്രസിഡൻറ് തസ്തികയിലേക്ക് ഹൈകോടതി രജിസ്ട്രാർക്കാണ് അപേക്ഷ സമർപ്പിക്കേണ്ടത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story