സത്യപ്രതിജ്​ഞ ​െസപ്​റ്റംബർ 11ന്​

കണ്ണൂർ: മട്ടന്നൂർ നഗരസഭയിലേക്ക് പുതുതായി െതരഞ്ഞെടുക്കപ്പെട്ട അംഗങ്ങളുടെ സത്യപ്രതിജ്ഞ െസപ്റ്റംബർ 11ന് നടക്കും. 11ന് രാവിലെ 11ന് ചടങ്ങ് ആരംഭിക്കാൻ വരണാധികാരിയായ കണ്ണൂർ ഡിവിഷനൽ ഫോറസ്റ്റ് ഓഫിസർക്ക് സംസ്ഥാന തെരഞ്ഞെടുപ്പു കമീഷൻ നിർദേശം നൽകി. ഫലപ്രഖ്യാപനത്തിനുശേഷം കൗൺസിലി​െൻറ ആദ്യയോഗം വിളിച്ചുകൂട്ടുന്നതിന് കൗൺസിലർമാരിൽ ഏറ്റവും പ്രായംകൂടിയ ആളെ വരണാധികാരി സത്യപ്രതിജ്ഞ ചെയ്യിക്കണം. മറ്റു കൗൺസിലർമാർ ഇദ്ദേഹം മുമ്പാകെയാണ് സത്യപ്രതിജ്ഞചെയ്യേണ്ടത്. പ്രഥമയോഗം ആദ്യം പ്രതിജ്ഞചെയ്ത കൗൺസിലറുടെ അധ്യക്ഷതയിലാകും ചേരുക. ചെയർപേഴ്സൻ, വൈസ് ചെയർപേഴ്സൻ എന്നീ സ്ഥാനങ്ങളിലേക്കുള്ള െതരഞ്ഞെടുപ്പ് തീയതിയും സമയവും സംബന്ധിച്ച് ആ യോഗത്തിൽതന്നെ കൗൺസിലർമാർക്ക്് അറിയിപ്പ് നൽകണമെന്നും കമീഷൻ നിർദേശിച്ചു.