പെരിങ്ങളം സഹകരണ അർബൻ സൊസൈറ്റി; വിമതസ്ഥാനാർഥികൾക്ക് ദയനീയ പരാജയം

പെരിങ്ങത്തൂർ: പെരിങ്ങളം സഹകരണ അർബൻ സൊസൈറ്റി തെരഞ്ഞെടുപ്പിൽ മത്സരിച്ച വിമതസ്ഥാനാർഥികൾക്ക് ദയനീയ പരാജയം. മത്സരം നടന്ന ഏഴ് സീറ്റും വൻ ഭൂരിപക്ഷത്തിലാണ് ഔദ്യോഗികപക്ഷം വിജയിച്ചത്. ആകെയുള്ള ഒമ്പത് സീറ്റിൽ രണ്ട് സീറ്റിൽ ഔദ്യോഗികപക്ഷം നേരേത്ത എതിരില്ലാതെ തെരഞ്ഞെടുക്കപ്പെട്ടിരുന്നു. നിലവിലെ ചെയർമാനും കോൺഗ്രസ് എ ഗ്രൂപ് നേതാവുമായ സന്തോഷ് കണ്ണംവെള്ളി എതിരില്ലാതെയാണ് തെരഞ്ഞെടുക്കപ്പെട്ടത്. സൊസൈറ്റിയുടെ യശസ്സ് നശിപ്പിക്കാനായിരുന്നു വിമതസ്ഥാനാർഥികൾ മുന്നിട്ടിറങ്ങിയതെന്ന് അദ്ദേഹം പറഞ്ഞു. തെരഞ്ഞെടുപ്പിന് ഞായറാഴ്ച രാവിലെ മുതൽ വൻ പൊലീസ് കാവലുണ്ടായിരുന്നു.