റബർ ഷീറ്റുകൊണ്ട് ക്രിസ്​മസ്​ ട്രീ ഒരുക്കി പ്രതിഷേധം

ചെറുപുഴ: റബർ വിലയിടിവിൽ പ്രതിഷേധിച്ച് റബർ ഷീറ്റുകൾക്കൊണ്ട് ക്രിസ്​മസ്​ ട്രീ ഒരുക്കി യുവജനങ്ങളുടെ പ്രതിഷേധം. കോഴിച്ചാൽ കെ.സി.വൈ.എം പ്രവർത്തകരാണ് 200 ഓളം ഷീറ്റുകൾ കൊണ്ട് 60 അടി ഉയരത്തിൽ ക്രിസ്​മസ്​ ട്രീ തീർത്തത്. കോഴിച്ചാൽ സെൻറ് സെബാസ്​റ്റ്യൻസ്​ പള്ളിമുറ്റത്താണ് ട്രീ ഒരുക്കിയത്. ഫാ.ടോമി എടാട്ടിെൻറ നേതൃത്വത്തിൽ 50ഓളം യുവജനങ്ങളാണ് ട്രീ ഒരുക്കാൻ മുന്നിട്ടിറങ്ങിയത്. മലയോര കർഷകെൻറ നട്ടെല്ലൊടിക്കുന്ന റബർ വിലത്തകർച്ച ക്രിസ്​മസ്​ ആഘോഷങ്ങൾ വരെ പരിമിതപ്പെടുത്താനിടയാക്കിയ സാഹചര്യത്തിലാണ് ഇത്തരമൊരു പ്രതിഷേധം.