പീ​രു​മേ​ട്​ മോ​ർ​ച്ച​റി​യി​ല്ല മൃ​ത​ദേ​ഹം സൂക്ഷിക്കുന്നത്​ അ​ത്യാ​ഹി​ത​വി​ഭാ​ഗ​ത്തി​ൽ

  • ബ​ന്ധു​ക്ക​ൾ എ​ത്തി കൊ​ണ്ടു​പോ​കും​വ​രെ വാ​ർ​ഡി​ൽ കി​ട​ത്തണം

10:49 AM
05/02/2020

പീ​രു​മേ​ട്: താ​ലൂ​ക്ക് ആ​ശു​പ​ത്രി​യി​ൽ മോ​ർ​ച്ച​റി ഇ​ല്ലാ​ത്ത​തി​നാ​ൽ മൃ​ത​ദേ​ഹം സൂ​ക്ഷി​ക്കു​ന്ന​ത് അ​ത്യാ​ഹി​ത വി​ഭാ​ഗ​ത്തി​ൽ. മ​ണി​ക്കൂ​റു​ക​ളോ​ളം അ​ത്യാ​ഹി​ത വി​ഭാ​ഗ​ത്തി​ൽ മൃ​ത​ദേ​ഹ​ങ്ങ​ൾ സൂ​ക്ഷി​ക്കു​ന്ന​ത് ചി​കി​ത്സ​ക്ക്​ എ​ത്തു​ന്ന​വ​രെ പ്ര​യാ​സ​ത്തി​ലാ​ക്കു​ന്നു. ക​ഴി​ഞ്ഞ ദി​വ​സം 11 മ​ണി​ക്കൂ​റാ​ണ് അ​ത്യാ​ഹി​ത​വി​ഭാ​ഗ​ത്തി​​െൻറ വ​രാ​ന്ത​യി​ൽ മൃ​ത​ദേ​ഹം സൂ​ക്ഷി​ച്ച​ത്. ക​ഴി​ഞ്ഞ​ദി​വ​സം കു​മ​ളി മു​രി​ക്ക​ടി​യി​ൽ വി​ഷം ക​ഴി​ച്ച സോ​മ​ൻ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് കൊ​ണ്ടു​പോ​കും വ​ഴി മ​രി​ച്ചു. ഞാ​യ​റാ​ഴ്ച രാ​ത്രി ഒ​മ്പ​തി​ന്​ പീ​രു​മേ​ട് ആ​ശു​പ​ത്രി​യി​ൽ മൃ​ത​ദേ​ഹം എ​ത്തി​ച്ചു. എ​ന്നാ​ൽ, കു​മ​ളി​യി​ൽ​നി​ന്ന് പൊ​ലീ​സ് എ​ത്തി ന​ട​പ​ടി സ്വീ​ക​രി​ച്ച​ത് തി​ങ്ക​ളാ​ഴ്ച രാ​വി​ലെ 10ന് ​ശേ​ഷ​മാ​ണ്.

ഈ ​സ​മ​യ​മ​ത്ര​യും മൃ​ത​ദേ​ഹം അ​ത്യാ​ഹി​ത വി​ഭാ​ഗ​ത്തി​​െൻറ വ​രാ​ന്ത​യി​ലാ​ണ് കി​ട​ത്തി​യ​ത്. ഇ​തി​ന് സ​മീ​പ​മാ​ണ് പു​രു​ഷ​ന്മാ​രു​ടെ വാ​ർ​ഡും. അ​ത്യാ​ഹി​ത വി​ഭാ​ഗ​ത്തി​ൽ ര​ണ്ട് ക​ട്ടി​ൽ മാ​ത്ര​മാ​ണു​ള്ള​ത്. ആ​ശു​പ​ത്രി​യി​ൽ മൃ​ത​ദേ​ഹം ബ​ന്ധു​ക്ക​ൾ എ​ത്തി കൊ​ണ്ടു​പോ​കും​വ​രെ വാ​ർ​ഡി​ൽ കി​ട​ത്തേ​ണ്ടി​വ​രു​ന്നു. സ്വ​കാ​ര്യ​വ്യ​ക്തി നി​ർ​മാ​ണം ന​ട​ത്തു​ന്ന​തി​നി​ടെ മോ​ർ​ച്ച​റി കെ​ട്ടി​ട​ത്തി​ന് ത​ക​രാ​ർ സം​ഭ​വി​ച്ച്​ കെ​ട്ടി​ടം ഉ​പേ​ക്ഷി​ച്ചി​രു​ന്നു. തു​ട​ർ​ന്ന് പു​തി​യ കെ​ട്ടി​ട നി​ർ​മാ​ണം ആ​രം​ഭി​ച്ചെ​ങ്കി​ലും നി​ർ​മാ​ണ​ത്തി​ലെ ക്ര​മ​ക്കേ​ട് മൂ​ലം സം​ര​ക്ഷ​ണ​ഭി​ത്തി​യി​ൽ വി​ള്ള​ൽ വീ​ണു. അ​പ​ക​ടാ​വ​സ്ഥ​യി​ലാ​യ സം​ര​ക്ഷ​ണ​ഭി​ത്തി പു​ന​ർ​നി​ർ​മി​ച്ച്​ കെ​ട്ടി​ടം പ​ണി​യാ​ൻ ന​ട​പ​ടി ഉ​ണ്ടാ​യി​ട്ടി​ല്ല.

Loading...
COMMENTS