പത്തുദിവസംകൊണ്ട് പതിനായിരത്തിലധികം പ്ലാസ്റ്റിക് കുപ്പികൾ ശേഖരിച്ച് വിദ്യാർഥികൾ
text_fieldsനെടുങ്കണ്ടം: പത്തു ദിവസംകൊണ്ട് പതിനായിരത്തിലധികം പ്ലാസ്റ്റിക് കുപ്പികൾ ശേഖരിച്ച് സ്കൂൾ വിദ്യാർഥികൾ. പ്ലാസ്റ്റിക് നിരോധനത്തിന് ഐക്യദാർഢ്യം പ്രകടിപ്പിച്ച് ക്രിസ്മസ് അവധിക്കാലത്ത് ശേഖരിച്ചതാണ് കുന്നോളം പ്ലാസ്റ്റിക് കുപ്പികൾ. പാരിസ്ഥിതികാവബോധം വളർത്തുക എന്ന ഉദ്ദേശ്യത്തോടെ അവധിക്കാല പഠനപ്രവർത്തമെന്ന നിലയിലാണ് കുട്ടികൾ പ്ലാസ്റ്റിക്രഹിത ക്രിസ്മസ് ആഘോഷവും പ്ലാസ്റ്റിക് ശേഖരണവും നടത്തിയത്. ക്രിസ്മസ് അവധിക്കാലം മിക്ക കുട്ടികളും കളിച്ചുല്ലസിച്ച് ആഘോഷിച്ചപ്പോൾ നെടുങ്കണ്ടം സെൻറ് സെബാസ്റ്റ്യൻസ് യു.പി സ്കൂളിലെ കുട്ടികളുടെ അവധിക്കാലത്തിെൻറ ഭൂരിഭാഗം സമയവും പ്ലാസ്റ്റിക് ശേഖരണത്തിനാണ് മാറ്റിവെച്ചത്.
സ്കൂൾ അങ്കണത്തിൽ നടന്ന ചടങ്ങിൽ ഒറ്റ പ്രാവശ്യം ഉപയോഗിച്ച് വലിച്ചെറിയുന്ന സിസ്പോസിബിൾ പ്ലാസ്റ്റിക് ഇനിമേൽ ഉപയോഗിക്കിെല്ലന്ന പ്രതിജ്ഞയും കുട്ടികൾചൊല്ലി. ശേഖരണ പരിപാടികൾക്ക് ചുക്കാൻപിടിച്ചത് ഹെഡ്മാസ്റ്റർ ലിജി വർഗീസ്, അധ്യാപകരായ വി.ഡി. അബ്രഹാം, ജിൻസമ്മ ലൂക്കോസ്, സിമി ജോസഫ്, സിബി സന്ധ്യ എന്നിവരാണ്. കുട്ടികൾ ശേഖരിച്ച കുപ്പികൾ ഗ്രാമപഞ്ചായത്തിന് കൈമാറും. പഞ്ചായത്തിെൻറ പ്ലാസ്റ്റിക് ടാറാക്കുന്ന സംസ്കരണ പ്ലാൻറിലേക്കാണ് ഇവ കൊണ്ടുപോവുക.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.