വാഗമണ്ണിൽ ഓഫ് റോഡ് നി​രോ​ധ​നം  ലം​ഘി​ച്ച് ജീ​പ്പു​ക​ൾ: അപകടം പതിവാകുന്നു

10:22 AM
09/09/2019
പൈൻവാലിക്ക്​ സമീപം ട്രക്കിങ്​​ ജീപ്പ്​ നിയന്ത്രണം വിട്ട്​ മറിഞ്ഞപ്പോൾ

വാ​ഗ​മ​ൺ: ജി​ല്ല​യി​ൽ ഓ​ഫ് റോ​ഡ് ഡ്രൈ​വ് നി​രോ​ധി​ച്ചി​ട്ടു​ണ്ടെ​ങ്കി​ലും നി​രോ​ധ​നം ലം​ഘി​ച്ച് ജീ​പ്പു​ക​ൾ പാ​യു​ന്നു. അ​മി​ത​മാ​യി യാ​ത്ര​ക്കാ​രെ കു​ത്തി​നി​റ​ച്ച് മ​ൺ​പാ​ത​ക​ളി​ലൂ​ടെ പാ​യു​ന്ന ജീ​പ്പു​ക​ൾ പ​തി​വാ​യി അ​പ​ക​ടം വ​രു​ത്തി​വെ​ച്ചി​ട്ടും അ​ധി​കൃ​ത​ർ നി​സ്സം​ഗ​ത പു​ല​ർ​ത്തു​ക​യാ​ണ്. മു​തി​ർ​ന്ന​വ​ർ കൊ​ച്ചു​കു​ട്ടി​ക​ൾ ഉ​ൾ​പ്പെ​ടെ​യു​ള്ള​വ​രു​മാ​ണ്​ യാ​ത്ര​ക്കെ​ത്തു​ന്ന​ത്. ശ​നി​യാ​ഴ്ച വാ​ഗ​മ​ണ്ണി​ൽ ഉ​ണ്ടാ​യ അ​പ​ക​ട​ത്തി​ൽ അ​ഞ്ചു വ​യ​സ്സി​ൽ താ​ഴെ​യു​ള്ള കു​ട്ടി​ക്ക് ഗു​രു​ത​ര പ​രി​ക്കേ​റ്റി​രു​ന്നു. അ​ഞ്ചു​പേ​ർ​ക്ക്​ ക​യ​റാ​വു​ന്ന ജീ​പ്പു​ക​ളി​ൽ പ​ത്തി​ൽ​പ​രം ആ​ളു​ക​ളാ​ണ് ക​യ​റു​ന്ന​ത്.

വ​നം​വ​കു​പ്പി​​െൻറ മ​ൺ​പാ​ത​ക​ളി​ലൂ​ടെ അ​ന​ധി​കൃ​ത ഓ​ഫ് റോ​ഡ് ഡ്രൈ​വ് ന​ട​ത്തു​മ്പോ​ഴും വ​നം വ​കു​പ്പും ന​ട​പ​ടി​യെ​ടു​ക്കു​ന്നി​ല്ല. കോ​ലാ​ഹ​ല​മേ​ട് പൈ​ൻ തോ​ട്ട​ത്തി​നു സ​മീ​പ​മു​ള്ള റോ​ഡി​ലൂ​ടെ മൊ​ട്ട​ക്കു​ന്നി​ലെ​ത്തു​ന്ന​താ​ണ് പ്ര​ധാ​ന ഓ​ഫ്​ ഡ്രൈ​വ്. ​െപെ​ൻ വാ​ലി​ക്ക് സ​മീ​പം ഡി.​ടി.​പി.​സി​യു​ടെ 50 രൂ​പ പാ​സ് വാ​ങ്ങി​യാ​ണ് തോ​ട്ട​ത്തി​ലെ റോ​ഡി​ലൂ​ടെ ക​ട​ന്നു​പോ​കു​ന്ന​ത്. വാ​ഗ​മ​ണ്ണി​ൽ​നി​ന്ന് തു​ട​ങ്ങി കു​രി​ശു​മ​ല, മു​രു​ക​ൻ​മ​ല, ത​ങ്ങ​ളു​പാ​റ​ക്ക് സ​മീ​പ​ത്തൂ​ടെ കോ​ലാ​ഹ​ല​മേ​ട്ടി​ലെ​ത്തി പൈ​ൻ തോ​ട്ട​ത്തി​നു സ​മീ​പം വ​ഴി മൊ​ട്ട​ക്കു​ന്നി​ലെ​ത്തി വീ​ണ്ടും വാ​ഗ​മ​ണ്ണി​ൽ എ​ത്തു​ന്ന രീ​തി​യി​ലാ​ണ്​ റൂ​ട്ട്.

15 കി​ലോ​മീ​റ്റ​റോ​ളം ദൂ​ര​മു​ള്ള ഓ​ഫ് റോ​ഡ് ഡ്രൈ​വി​ന് 2000 രൂ​പ​യാ​ണ് വാ​ങ്ങു​ന്ന​ത്. ഇ​ത​ര സം​സ്ഥാ​ന​ങ്ങ​ളി​ൽ​നി​ന്നെ​ത്തു​ന്ന​വ​രാ​ണ് കൂ​ടു​ത​ലാ​യും ഇ​തി​നു പോ​കു​ന്ന​ത്. ഓ​ഫ് റോ​ഡ് ഡ്രൈ​വി​ന് റോ​ഡ് പ​രി​ശോ​ധി​ക്കാ​നെ​ത്തി​യ വാ​ഹ​ന ക​മ്പ​നി​യു​ടെ പ്ര​തി​നി​ധി ക​ഴി​ഞ്ഞ ജൂ​ലൈ​യി​ൽ വാ​ഹ​നം മ​റി​ഞ്ഞ് മ​രി​ച്ചി​രു​ന്നു. സു​ര​ക്ഷ സം​വി​ധാ​ന​ങ്ങ​ളി​ല്ലാ​തെ മ​ല​ഞ്ച​രു​വു​ക​ളി​ലെ മ​ൺ​പാ​ത​ക​ളി​ലൂ​ടെ അ​മി​ത​വേ​ഗ​ത്തി​ൽ വാ​ഹ​നം ഓ​ടി​ക്കു​ന്ന​ത് അ​പ​ക​ടം ക്ഷ​ണി​ച്ചു​വ​രു​ത്തു​ക​യാ​ണ്. ഓ​ഫ് റോ​ഡ് ഡ്രൈ​വി​ന് ആ​ളു​ക​ൾ എ​ത്തു​ന്ന​തി​നാ​ൽ നി​രോ​ധ​നം മ​റി​ക​ട​ന്ന് ഓ​ടി​ക്കാ​ൻ ഡ്രൈ​വ​ർ​മാ​രും ത​യാ​റാ​കു​ക​യാ​ണ്.

Loading...
COMMENTS