ആലപ്പുഴയുടെ ഐക്യദാർഢ്യം
text_fieldsആലപ്പുഴ: പൗരത്വ ഭേദഗതി നിയമത്തിനെതിരെയും ഇടുതു നേതാക്കൾ ഉൾപെടെയുള്ളവരെ അറസ്റ്റ് ചെയ്തതിനെതിരെയും ജില്ലയുെട വിവിധ ഭാഗങ്ങളിൽ പ്രതിഷേധം അലയടിച്ചു. മഹല്ല് കമ്മിറ്റികളുടെയും രാഷ്ട്രീയ പാർട്ടികളുടെയും ജനകീയ കൂട്ടായ്മകളുടെയും നേതൃത്വത്തിൽ പ്രതിഷേധ പ്രകടനങ്ങളും ധർണയും നടന്നു. വെള്ളിയാഴ്ച ജില്ലയുടെ പല ഭാഗങ്ങളിലും പ്രകടനങ്ങൾക്ക് ആഹ്വാനം ചെയ്തിട്ടുണ്ട്. സി.പി.ഐ ജനറൽ സെക്രട്ടറി ഡി. രാജയെയും സി.പി.എം ജനറൽ സെക്രട്ടറി സീതാറാം െയച്ചൂരിയെയും അറസ്റ്റ് ചെയ്തതിൽ പ്രതിഷേധിച്ച് സി.പി.െഎ ജില്ല കമ്മിറ്റി പ്രകടനങ്ങളും സമ്മേളനങ്ങളും സംഘടിപ്പിച്ചു. അമ്പലപ്പുഴയിൽ പ്രകടനത്തിനും സമ്മേളനത്തിനും സി.പി.ഐ ജില്ല സെക്രട്ടറി ടി.ജെ. ആഞ്ചലോസ്, ജില്ല എക്സി. അംഗം വി. മോഹൻദാസ്, മണ്ഡലം സെക്രട്ടറി ഇ.കെ. ജയൻ, ആർ. അനിൽകുമാർ, ബി. നസീർ, സി. രാധാകൃഷ്ണൻ, പി. സുരേന്ദ്രൻ, ബി. അൻസാരി, കെ.എൽ. ബന്നി, കെ.എഫ്. ലാൽജി, ആർ. ശ്രീകുമാർ, കെ.എം. ജുനൈദ് എന്നിവർ നേതൃത്വം നൽകി.
ആലപ്പുഴയിൽ പ്രകടനത്തിന് സി.പി.ഐ ജില്ല അസി. സെക്രട്ടറി ജി. കൃഷ്ണപ്രസാദ്, ജില്ല എക്സിക്യൂട്ടീവ് അംഗം ജ്യോതിസ്, പി.എസ്.എം. ഹുസൈൻ, ആർ. സുരേഷ്, വി.ജെ. ആൻറണി, ഡി.പി. മധു എന്നിവർ നേതൃത്വം നൽകി. അരൂരിൽ മണ്ഡലം സെക്രട്ടറി എം.കെ. ഉത്തമൻ, എം.പി. ബിജു, പി.സി. ജോയി, ടി.കെ. ചക്രപാണി, ടി.കെ. തങ്കപ്പൻ, ഇ.എസ്. ഷിഹാബുദ്ദീൻ, നൗഷാദ് കുന്നേൽ, കെ. രമണൻ എന്നിവർ നേതൃത്വം നൽകി. കായംകുളത്ത് പ്രകടനത്തിന് എ. ഷാജഹാൻ, എ.എ. റഹിം, എ. അജികുമാർ, സി.എ. അരുൺകുമാർ എന്നിവർ നേതൃത്വം നൽകി. എഫ്.എസ്.ഇ.ടി.ഒ ജില്ല കമ്മിറ്റി പ്രകടനം നടത്തി. ജില്ല സെക്രട്ടറി എ.എ. ബഷീർ, പ്രസിഡൻറ് എസ്. ധനപാൽ, കെ.എസ്.ടി.എ സംസ്ഥാന എക്സിക്യൂട്ടീവ് കമ്മിറ്റി അംഗം ഡി. സുധീഷ്, എൻ.ജി.ഒ യൂനിയൻ സംസ്ഥാന കമ്മിറ്റി അംഗങ്ങളായ എസ്. ഉഷാകുമാരി, എൽ. മായ, പി. സജിത്ത്, എൻ.ജി.ഒ യൂനിയൻ ജില്ല പ്രസിഡൻറ് പി.സി. ശ്രീകുമാർ എന്നിവർ നേതൃത്വം നൽകി. സി.എം.പിയുടെ യുവജന പ്രസ്ഥാനമായ കേരള സോഷ്യലിസ്റ്റ് യൂത്ത് ഫെഡറേഷൻ ആലപ്പുഴ ഇരുമ്പുപാലം ബി.എസ്.എൻ.എൽ ഓഫിസിലേക്ക് മാർച്ചും ധർണയും നടത്തി. കെ.എസ്.വൈ.എഫ് സംസ്ഥാന സെക്രട്ടറി കെ.ടി. ഇതിഹാസ് ഉദ്ഘാടനം ചെയ്തു.
കെ.എസ്.വൈ.എഫ് സംസ്ഥാന പ്രസിഡൻറ് തോമസ് കോടശ്ശേരി അധ്യക്ഷത വഹിച്ചു. സി.എം.പി ജില്ല സെക്രട്ടറി എ. നിസാർ മുഖ്യപ്രഭാഷണം നടത്തി. ഐ.ആർ. റാഫി, അനീഷ് ബാബു, സന്തോഷ്, സുരേഷ്, ദിലീപ്ഖാൻ, അനീസ് മാലിക്, സൈനുദ്ദീൻ, ഉത്തമൻ തുടങ്ങിയവർ സംസാരിച്ചു. ഐ.എൻ.എൽ സംസ്ഥാന കമ്മിറ്റി ആഭിമുഖ്യത്തിൽ 28ന് നടക്കുന്ന രാജ്ഭവൻ മാർച്ചിൽ ജില്ലയിൽനിന്ന് നൂറുപ്രതിനിധികളെ പങ്കെടുപ്പിക്കുമെന്ന് സംസ്ഥാന വൈസ് പ്രസിഡൻറ് എച്ച്. മുഹമ്മദാലി അറിയിച്ചു. സുധീർ കോയ അധ്യക്ഷത വഹിച്ചു. ചാരുംമൂട് സാദത്ത്, ഹബീബ് തൈപ്പറമ്പിൽ, കെ.പി. നാസർ, പി.ടി. ഷാജഹാൻ, സി.സി. സാലി, ശരീഫ് കുട്ടി, യു. ലത്തീഫ്, സാദിഖ്, ഹക്കീം തുടങ്ങിയവർ സംസാരിച്ചു.
സീതാറാം െയച്ചൂരി, ഡി. രാജ അടക്കമുള്ള ഇടതുപക്ഷ നേതാക്കളുടെ അറസ്റ്റിൽ ഐ.എൻ.എൽ ജില്ല പ്രസിഡൻറ് നിസാറുദ്ദീൻ കാക്കോന്തറയും ജനറൽ സെക്രട്ടറി ബി. അൻഷാദും അപലപിച്ചു. രാജ്യത്ത് അപ്രഖ്യാപിത അടിയന്തരാവസ്ഥയാണുള്ളതെന്നും പ്രതിഷേധത്തെ അടിച്ചമർത്തുന്നത് ഹിറ്റ്ലറിസമാണെന്നും നേതാക്കൾ പറഞ്ഞു. വടുതല: ദേശീയ പൗരത്വ ഭേദഗതി നിയമത്തിൽ യു.ഡി.എഫ് അരൂക്കുറ്റി മണ്ഡലം കമ്മിറ്റി പ്രതിഷേധ മാർച്ചും സമ്മേളനവും നടത്തി. അരൂക്കുറ്റിയിൽനിന്ന് ആരംഭിച്ച പ്രതിഷേധ മാർച്ച് വടുതല ജങ്ഷനിൽ സമാപിച്ചു. ഡി.സി.സി പ്രസിഡൻറ് എം. ലിജു ഉദ്ഘാടനം ചെയ്തു. യു.ഡി.എഫ് ചെയർമാൻ മക്കാർ മൗലവി അധ്യക്ഷതവഹിച്ചു.
അഷ്റഫ് വെള്ളേഴത്ത്, ഇ.കെ. കുഞ്ഞപ്പൻ, കെ.എ. പരീത് തുടങ്ങിയവർ സംസാരിച്ചു. അമ്പലപ്പുഴ: സി.പി.എം ജനറൽ സെക്രട്ടറി സീതാറാം െയച്ചൂരിയെയും ഇടതുപക്ഷ നേതാക്കളെയും അറസ്റ്റ് ചെയ്ത കേന്ദ്ര നിലപാടിനെതിരെ പ്രതിഷേധ പ്രകടനം നടത്തി. അമ്പലപ്പുഴ ഏരിയ സെക്രട്ടറി എ. ഓമനക്കുട്ടൻ ഉദ്ഘാടനം ചെയ്തു. എ.പി. ഗുരുലാൽ, കെ. മോഹൻ കുമാർ, പി.ജി. സൈറസ്, എം. രഘു, കെ.എം. സെബാസ്റ്റ്യൻ, ആർ. റജിമോൻ, വി.എസ്. മായാദേവി, കെ. ജഗദീശൻ, പി.പി. ആൻറണി, അലിയാർ എം. മാക്കിയിൽ, എൻ.പി. വിദ്യാനന്ദൻ എന്നിവർ സംസാരിച്ചു. പൂച്ചാക്കൽ: ചേർത്തല എൻജിനീയറിങ് കോളജിലെ രണ്ടാംവർഷ വിദ്യാർഥികൾ കാമ്പസിൽ പ്രതിഷേധം സംഘടിപ്പിച്ചു. വംശീയമായ വേർതിരിവുണ്ടാക്കുന്ന എൻ.ആർ.സിയും സി.എ.ബിയും പിൻവലിക്കുക എന്ന പ്ലക്കാർഡുകളുയർത്തിയാണ് അവർ കാമ്പസിലിറങ്ങിയത്. അജ്മൽ, അമൃത, ഷെഫ്ന, അനുവിന്ദ് എന്നിവർ നേതൃത്വം നൽകി.
റാലി ഇന്ന്
വടുതല: പൗരത്വനിയമ ഭേദഗതിക്കെതിരെ വടുതല കോട്ടൂർ കാട്ടുപുറം പള്ളി ജമാഅത്തിെൻറ നേതൃത്വത്തിൽ പൗരത്വ സംരക്ഷണ റാലിയും പൊതുസമ്മേളനവും വെള്ളിയാഴ്ച നടക്കും. വൈകീട്ട് നാലിന് കാട്ടുപുറം പള്ളി പരിസരത്തുനിന്ന് ആരംഭിക്കുന്ന പ്രകടനം ഹിദായത്ത്, കൊമ്പനാമുറി വഴി വടുതല ജങ്ഷനിൽ എത്തും. 6.30ന് ജമാഅത്ത് ഹയർ സെക്കൻഡറി സ്കൂൾ ഗ്രൗണ്ടിൽ നടക്കുന്ന പൊതുസമ്മേളനം ഷാനിമോൾ ഉസ്മാൻ എം.എൽ.എ ഉദ്ഘാടനം ചെയ്യും. ഡോ. സെബാസ്റ്റ്യൻ പോൾ, മുഹമ്മദ് തൗഫീഖ് ബദ്രി പേഴക്കാപ്പിള്ളി, കൃഷ്ണൻ ഇരഞ്ഞിക്കൽ മലപ്പുറം തുടങ്ങിയവർ പ്രസംഗിക്കും. പ്രകടനത്തിൽ പങ്കെടുക്കാൻ എല്ലാ ജമാഅത്ത് അംഗങ്ങളും നാലു മണിക്ക് മുമ്പ് കാട്ടുപുറം പള്ളിയിൽ എത്തണമെന്ന് സംഘാടക സമിതി അറിയിച്ചു.
പൂച്ചാക്കലിൽ 22ന്
പൂച്ചാക്കൽ: ദേശീയ പൗരത്വ ഭേദഗതി നിയമം പിൻവലിക്കണമെന്നാവശ്യപ്പെട്ട് മഹല്ല് ഐക്യവേദിയുടെ പ്രതിഷേധ റാലിയും പൗരാവകാശ സമ്മേളനവും 22ന് പൂച്ചാക്കലിൽ നടക്കും. പാണാവള്ളി പഞ്ചായത്ത് ഓഫിസിന് സമീപത്തുനിന്ന് വൈകീട്ട് നാലിന് പ്രതിഷേധ റാലി ആരംഭിക്കും. പൂച്ചാക്കൽ ഇലക്ട്രിസിറ്റി ഓഫിസിന് സമീപം ഉമർ ഖാളി നഗറിൽ പൗരാവകാശ സമ്മേളനം നടക്കും. മാഹിൻ അബൂബക്കർ നിസാമി ഉദ്ഘാടനം ചെയ്യും. സണ്ണി എം. കപിക്കാട് മുഖ്യപ്രഭാഷണം നടത്തും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.