മെഡിക്കൽ കോളജ് ഓഫിസ് മുറിയിൽ തീപടർന്നത് പരിഭ്രാന്തി പരത്തി
text_fieldsഅമ്പലപ്പുഴ: വണ്ടാനം ഗവ. ടി.ഡി മെഡിക്കൽ കോളജിലെ ഓഫിസ് മുറിയിൽ തീ പടർന്നത് പരിഭ്രാ ന്തി പരത്തി. ആലപ്പുഴയിൽനിന്ന് എത്തിയ അഗ്നിരക്ഷ സംഘമാണ് തീ അണച്ചത്. ചൊവ്വാഴ്ച വൈകീട്ട് നാലരയോടെ ഒന്നാം നിലയിലെ വൈസ് പ്രിൻസിപ്പലിെൻറ മുറിയോട് ചേർന്ന കമ്പ്യൂട്ടർ സെക്ഷനിൽനിന്നാണ് തീ പടർന്നത്. ഓഫിസ് ആകെ പുക പടർന്നു. ഈ സമയം മുറിയിൽ ആരും ഉണ്ടായിരുന്നില്ല. പുക വരുന്നത് ജീവനക്കാരുടെ ശ്രദ്ധയിൽപെട്ട കോളജിലെ സുരക്ഷ ജീവനക്കാർ വൈദ്യുതിബന്ധം വിച്ഛേദിച്ചത് വൻ അപകടം ഒഴിവാക്കി.
കോളജ് ജീവനക്കാരും ആലപ്പുഴ അഗ്നിരക്ഷ ഓഫിസർ അൽ ആമീൻ, ഫയർമാൻമാരായ ടി.ജി. ജയകുമാർ, പി.ജി. രഞ്ജിത്ത്, പി.എസ്. ശ്യാംദാസ്, വിനീഷ് എന്നിവരും പുന്നപ്ര എസ്.ഐ ശ്രീജിത്ത്, സീനിയർ സിവിൽ പൊലീസ് ഓഫിസർ ബി. ഉണ്ണികൃഷ്ണൻ, സിവിൽ പൊലീസ് ഓഫിസർ വിപിൻദാസ്, ഹോം ഗാർഡ് ഉണ്ണികൃഷ്ണൻ, പുന്നപ്ര വൈദ്യുതി വകുപ്പ് ജീവനക്കാർ എന്നിവരും രക്ഷാപ്രവർത്തനത്തിന് നേതൃത്വം നൽകി. ബാറ്ററിയിൽനിന്നുള്ള ഷോർട്ട് സർക്യൂട്ടാണ് അഗ്നിബാധക്ക് കാരണമെന്നാണ് പ്രാഥമിക നിഗമനം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.