സ്ഥാനാർഥിക്കായി വോട്ട് ചോദിച്ച തെരഞ്ഞെടുപ്പ് ഉദ്യോഗസ്ഥനെ ഒഴിവാക്കി
text_fieldsആലപ്പുഴ: നഗരസഭ ജില്ല കോടതി വാർഡിലെ ഉപതെരഞ്ഞെടുപ്പിൽ സ്ഥാനാർഥിക്കായി വോട്ട് ച ോദിച്ച തെരെഞ്ഞടുപ്പ് ഉദ്യോഗസ്ഥനെ വരണാധികാരിയായ സബ് കലക്ടർ വി.ആർ. കൃഷ്ണതേജ ഒഴിവാക്കി. കിടങ്ങാംപറമ്പ് സ്കൂളിലാണ് രാവിലെ 11.30ഒാടെ നാടകീയ സംഭവങ്ങൾ അരങ്ങേറിയത്. വോട്ട് ചെയ്യാനെത്തിയ ഒരാളോട് കൈയിൽ മഷി പുരട്ടുന്ന ചുമതലയുള്ള ഉദ്യോഗസ്ഥൻ ഒരു സ്ഥാനാർഥിക്ക് വോട്ട് ചെയ്യണമെന്ന് പറയുകയായിരുന്നു. ഇയാൾ ഇക്കാര്യം അധികൃതരെ അറിയിച്ചതോടെ വോട്ടിങ് നിർത്തിവെച്ചു. തുടർന്ന് മറ്റ് സ്ഥാനാർഥികളുടെ പ്രവർത്തകർ സംഭവം ഏറ്റെടുത്തതോടെ പ്രശ്നം സങ്കീർണമായി. ഉദ്യോഗസ്ഥനെതിരെ ഇവരുടെ പ്രതിഷേധങ്ങൾക്കൊടുവിൽ സബ് കലക്ടറും പൊലീസും എത്തി ഇദ്ദേഹത്തെ കൊണ്ടുേപാവുകയായിരുന്നു. ഇതേതുടർന്ന് അരമണിക്കൂർ തെരഞ്ഞെടുപ്പ് നിർത്തിവെച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.