പരോളിലും മാസ്ക് തയ്ക്കുകയാണ് തോമസ്
text_fieldsതൃശൂർ: വിയ്യൂർ സെൻട്രൽ ജയിലിലെ തടവുകാരനായ തോമസ് പരോളിലാണെങ്കിലും കോവിഡ് പ്രതിരോധത്തിെൻറ ഭാഗമാണ്. ജീവപര്യന്തം ശിക്ഷ തടവുകാരനാണ് തോമസ്. ജയിലുകളിൽ സാമൂഹിക അകലം സൃഷ്ടിക്കുന്നതിനായി അന്തേവാസികളുടെ എണ്ണം കുറക്കുന്നതിന് സർക്കാർ സ്വീകരിച്ച നടപടികളുടെ ഭാഗമായി നല്ലൊരുവിഭാഗം തടവുകാർക്ക് പ്രത്യേക പരോൾ അനുവദിച്ചിരുന്നു. ഈ കൂട്ടത്തിൽ ഏപ്രിൽ രണ്ടാം വാരത്തിൽ തോമസിനും കിട്ടി ഒരുമാസത്തെ പരോൾ.
ജയിലിലെ അന്തേവാസികൾക്കായി വിവിധ തൊഴിൽമേഖലകളിൽ പരിശീലനം നൽകുന്നതിെൻറ ഭാഗമായി കഴിഞ്ഞ വർഷം നടത്തിയ തയ്യൽ ഫാഷൻ ടെക്നോളജി കോഴ്സിൽ തോമസ് പങ്കെടുത്തിരുന്നു. അതിെൻറ ഭാഗമായി അത്യാവശ്യ തുന്നൽജോലികൾ പഠിക്കുകയും ചെയ്തു. അപ്പോഴാണ് ആശയം മുന്നിലേക്ക് വന്നത്.
വീട്ടിൽ ഉപേക്ഷിച്ചിരുന്ന പഴയ തയ്യൽമെഷീൻ പൊടിതട്ടിയെടുത്തു. പരിചയമുള്ള തുണിവ്യാപാരിയിൽനിന്ന് കോട്ടൻ തുണി സംഘടിപ്പിച്ചു. തോമസ് തുന്നാൻ തുടങ്ങി. അയൽക്കാരും നാട്ടുകാരുമായി ആവശ്യക്കാരേറെ.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.