കിണർ കുഴിക്കുന്നതിനിടെ ഇടിഞ്ഞ്​ രണ്ടുപേർ മണ്ണിനടിയിൽ

താനൂർ(മലപ്പുറം): കിണർ കുഴിക്കുന്നതിനിടെ ഇടിഞ്ഞ്​ രണ്ടു​പേർ മണ്ണിനടിയിൽ അക​പ്പെട്ടു. മലപ്പുറം ജില്ലയിലെ താനൂർ മൂലക്കലിലാണ്​ സംഭവം. 

രാവിലെ 8.20 ഓടെയാണ്​ അപകടം. നിർമാണം ഏതാണ്ട്​ പൂർത്തിയായ കിണറ്റിൽ നാലുഭാഗത്തുനിന്നും മണ്ണിടിഞ്ഞുവീഴുകയായിരുന്നു. സംഭവമറിഞ്ഞ ഉടൻ പൊലീസും ഫയർഫോഴ്​സും സ്​ഥലത്തെത്തി. നാട്ടുകാരുടെ സഹായത്തോടെ ഒരുമണിക്കൂറിലേറെയായി രക്ഷാപ്രവർത്തനം തുടരുകയാണ്​.