സമരങ്ങളുടെ മറവിൽ സ്വകാര്യസ്വത്ത്‌ നശിപ്പിച്ചാൽ കടുത്ത ശിക്ഷ; ബിൽ നിയമമായി

തിരുവനന്തപുരം: ഹർത്താൽ, പ്രകടനം, ആഘോഷങ്ങൾ തുടങ്ങിയവയുടെ പേരിൽ സ്വകാര്യസ്വത്ത് നശിപ്പിച്ചാൽ ശിക്ഷിക്കാനും നഷ്​ടപരിഹാരം ഈടാക്കാനുമുള്ള ബിൽ നിയമമായി. 2019ലെ കേരള സ്വകാര്യസ്വത്തിനുള്ള നാശനഷ്​ടം തടയലും നഷ്​ടപരിഹാരം നൽകലും ബില്ലാണ്‌ നിയമസഭ പാസാക്കിയത്‌. മന്ത്രി എ.കെ. ബാലനാണ്‌ ബിൽ അവതരിപ്പിച്ചത്‌.

സ്വത്തിന്‌ നാശംവരുത്തിയ വ്യക്തിക്ക് അഞ്ചുവർഷം തടവും പിഴയും ബിൽ വ്യവസ്ഥ ചെയ്യുന്നു. ജാമ്യമില്ലാ കേസാകും രജിസ്​റ്റർ ചെയ്യുക. അതേസമയം തീയോ സ്‌ഫോടകവസ്തുവോ ഉപയോഗിച്ച്​ ആക്രമണം നടത്തിയാൽ കുറഞ്ഞത്‌ അഞ്ചുവർഷം കഠിനതടവ്‌ എന്നത്‌ ഒരുവർഷമാക്കി കുറവ്‌ ചെയ്‌തുള്ള ഭേദഗതിയോടെയാണ്‌ ബിൽ പാസാക്കിയത്‌.