പതിനേഴാമത് ടിബറ്റൻ പാർലമെന്റ് ഇൻ എക്സൈൽ ജനപ്രതിനിധികൾ നിയമസഭ സന്ദർശിച്ചു

തിരുവനന്തപുരം : തങ്ങളുടെ മാതൃരജ്യം വിട്ട് ഇന്ത്യയിൽ അഭയം പ്രാപിച്ച ടിബറ്റൻ വംശജരുടെ ജനപ്രതിനിധി സഭയായ ടിബറ്റൻ പാർലമെന്റ് ഇൻ എക്സൈലിലെ രണ്ട് എം.പിമാർ - മിഗ്യുർ ദോർജീ, ലെബ്സാങ് ഗ്യാത്സോ സിതർ എന്നിവർ നിയമസഭാ സ്പീക്കർ എ.എൻ ഷംസീറിനെ സന്ദർശിച്ചു.

ഇന്ത്യയിലഭയം തേടിയെത്തിയ തങ്ങളോട് ഈ നാട് കാണിച്ച വിശാലമായ സമീപനത്തിലുള്ള സന്തോഷം അവർ പങ്കുവച്ചു. മൂന്ന് ദിവസത്തെ കേരള സന്ദർശനത്തിന്റെ ഭാഗമായി തിരുവനന്തപുരത്ത് എത്തിയ അവർ നിയമസഭാ ഹാളും സന്ദര്‍ശിച്ചു.