Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകോവിഡ്​ മുതലെടുത്ത്​...

കോവിഡ്​ മുതലെടുത്ത്​ രാജ്യത്ത്​ കൂട്ട​ സൈബർ ആക്രമണം; ഏറ്റവും കൂടുതൽ കേരളത്തിൽ

text_fields
bookmark_border
cyber-crime
cancel

കോഴിക്കോട്​: കോവിഡ്​ മഹാമാരിയെ തുടർന്ന്​ രാജ്യമെമ്പാടും പ്രഖ്യാപിച്ച ലോക്ഡൗണിൽ സൈബര്‍ ആക്രമണങ്ങള്‍ ഗണ്യമായി വർധിച്ചതായി റിപ്പോർട്ട്​. വൈറസ്​ വ്യാപനത്തെ തുടർന്ന്​ ജനങ്ങളിൽ ഉടലെടുത്ത പരിഭ്രാന്തി ലോകമെമ്പാടുമുള്ള സൈബര്‍ ആക്രമികള്‍ പ്രയോജനപ്പെടുത്തുകയായിരുന്നു. ഐ.ടി സെക്യൂരിറ്റി സൊലൂഷന്‍സ് ദാതാവായ കെ7 കംപ്യൂട്ടിങ്ങാണ്​ ഇതുമായി ബന്ധപ്പെട്ട റിപ്പോർട്ട്​ പുറത്തുവിട്ടിരിക്കുന്നത്​​. കെ7 കംപ്യൂട്ടിങ്ങി​​െൻറ സൈബർ ത്രെട്ട്​ റിപ്പോർട്ടിൽ രാജ്യത്ത് ഏറ്റവും കൂടുതല്‍ സൈബർ ആക്രമണങ്ങൾ നടന്നതാക​െട്ട നമ്മുടെ കൊച്ചുകേരളത്തിലും. 

ലോക്​ഡൗൺ കാലത്ത്​ 2,000ത്തോളം സൈബര്‍ ആക്രമണങ്ങളാണ് കേരളത്തിലുണ്ടായതത്രേ. 207 കേസുകൾ റിപ്പോർട്ട്​ ചെയ്​ത പഞ്ചാബ്​, 184 കേസുകൾ റിപ്പോർട്ട്​ ചെയ്​ത തമിഴ്​നാട്​ എന്നീ സംസ്ഥാനങ്ങളാണ്​ പുറകിലുള്ളത്​. കേരളത്തില്‍ കോട്ടയത്ത് 462ഉം കണ്ണൂരില്‍ 374ഉം കൊല്ലത്ത് 236ഉം കൊച്ചിയില്‍ 147ഉം വീതം സൈബര്‍ ആക്രമണങ്ങളുണ്ടായതായി റിപ്പോര്‍ട്ടില്‍ പറയുന്നു. 

കംപ്യൂട്ടറുകളില്‍ നിന്നും സ്​മാർട്ട്​ ഫോണുകളില്‍ നിന്നും വ്യക്തികളുടെ സ്വകാര്യവിവരങ്ങളും ബാങ്കിങ്​ സംബന്ധമായ വിവരങ്ങളും ക്രിപ്‌റ്റോകറന്‍സി എക്കൗണ്ടുകളും ചോര്‍ത്തുകയായിരുന്നു സൈബര്‍ അക്രമികളുടെ ലക്ഷ്യമെന്നാണ്​ സൂചന. വൈറസ്​ വ്യാപനത്തി​​െൻറ തുടക്കമായ ഫെബ്രുവരി മുതല്‍ ഏപ്രില്‍ പകുതി വരെയുള്ള സമയത്താണ്​ സൈബര്‍ ആക്രമണങ്ങളുടെ നിരക്ക് കുത്തനെ ഉയർന്നത്​.

കൗതുകം ഇച്ചിരി കൂടതലാണോ...? പണി കിട്ടും

പ്രധാനമായും ഫിഷിങ്​ അറ്റാക്കാണ്​ നടത്തിയിരിക്കുന്നത്​. കൊറോണ വൈറസിനെ സംബന്ധിക്കുന്നതും അല്ലാത്തതുമായ കൗതുകമുണർത്തുന്നതും ഭീതിപ്പെടുത്തുന്നതുമായ വാർത്തകളുടെയും വിഡിയോകളുടെയും മറ്റും ലിങ്കുകളിൽ ക്ലിക്ക്​ ചെയ്യാൻ ഉപയോക്​താക്കളെ നിർബന്ധിതരാക്കുകയാണ്​ ഇതി​​െൻറ രീതി​. ഫോണുകളിൽ വൈറസ്​ കയറിയിട്ടുണ്ടെന്നുള്ള വ്യാജ സന്ദേശങ്ങൾ നൽകുന്നതും ഇതി​​െൻറ ഭാഗമാണ്​. ഇത്തരം പോപ്-അപ്​ ആഡുകളിലും ലിങ്കുകളിലും ക്ലിക്ക് ചെയ്യുന്നതിലൂടെ മാല്‍വെയറുകളായിരിക്കും ഉപയോക്താവി​​െൻറ ഡിവൈസുകളില്‍ ഡൗണ്‍ലോഡ ചെയ്യപ്പെടുന്നത്. 

ഇതിലൂടെ ഡാറ്റ ചോര്‍ത്തുന്ന മാല്‍വെയറുകള്‍ മുതല്‍ ട്രോജന്‍, റാന്‍സംവെയര്‍ പോലുള്ള അപകടകാരികളായ വൈറസ്​ വരെ എട്ടി​​െൻറ പണി നൽകും. കോവിഡ് 19 സംബന്ധമായ വ്യാജ ആന്‍ഡ്രോയ്ഡ് ആപ്പുകള്‍ വഴിയും തട്ടിപ്പ് നടന്നതായി റിപ്പോർട്ടുകളുണ്ട്​. തെറ്റിധാരണ പരത്തുന്ന ലിങ്കുകളിൽ ക്ലിക്ക്​ ചെയ്യാതിരിക്കുകയാണ്​ ഇത്​ തടയാനുള്ള ഏക പോംവഴി. പ്ലേ സ്​റ്റോറിൽ നിന്ന്​ മാത്രം ആപ്പുകൾ ഡൗൺലോഡ്​ ചെയ്യുക, വെബ്​ സൈറ്റുകളിൽ കയറിയിറങ്ങു​േമ്പാൾ വരുന്ന പോപ്​-അപ് ആഡുകളിലും ക്ലിക്ക്​ ചെയ്യുന്നത്​ അപകടമാണ്​.​

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:cyber crimeCyber Attacklock down
News Summary - Pandemic effect study reveals Kerala register highest number of cyber attacks-tech news
Next Story