പത്രത്തിനെതിരായ പ്രചാരണം തെറ്റിദ്ധാരണ പരത്താൻ –ന്യൂസ് പേപ്പർ ഏജൻറ്സ് അസോസിയേഷൻ
text_fieldsകൊച്ചി: ദിനപത്രങ്ങളിൽനിന്ന് കോവിഡ് വ്യാപന സാധ്യതയുണ്ടെന്ന തരത്തിലുള്ള പ്രചാര ണം തെറ്റിദ്ധാരണ പരത്താനുള്ള ബോധപൂർവമായ ശ്രമമാണെന്ന് ന്യൂസ് പേപ്പർ ഏജൻറ്സ് അസോസിയേഷൻ. ദിനപത്രങ്ങൾ പൂർണമായും യന്ത്രവത്കൃത മാർഗത്തിലൂടെയാണ് അച്ചടിക്കുന്നതും വിതരണത്തിനയക്കുന്നതും. വൈറസ് വ്യാപനം തടയുന്നതിനുൾപ്പെടെ എല്ലാ മുൻകരുതലും സ്വീകരിച്ചിട്ടുമുണ്ട്.
സങ്കീർണമായ ഈ സാഹചര്യത്തിൽ സത്യസന്ധമായും അതിശയോക്തിയില്ലാതെയും കൃത്യമായ വാർത്തകൾ ജനങ്ങളിലെത്തിക്കുന്ന ശ്രമകരമായ ദൗത്യമാണ് മാധ്യമപ്രവർത്തകരും ഏജൻറുമാരും ചേർന്ന് നിർവഹിക്കുന്നത്.
ഇത്തരം കുപ്രചാരണങ്ങളിൽ വഞ്ചിതരാകാതെ പത്രവായനക്കാരും വരിക്കാരും ഏജൻറുമാരുമായി സഹകരിക്കണമെന്ന് അസോസിയേഷൻ സംസ്ഥാന പ്രസിഡൻറ് പി.കെ. സത്താർ, ജനറൽ െസക്രട്ടറി ചേക്കു കരിപ്പൂർ എന്നിവർ ആവശ്യപ്പെട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.