Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഫാ. സേവ്യർ വധം: പ്രതി...

ഫാ. സേവ്യർ വധം: പ്രതി കപ്യാർ ജോണിക്ക്​ ജീവപര്യന്തം 

text_fields
bookmark_border
crime
cancel

കൊ​ച്ചി: മലയാറ്റൂർ കുരിശുമുടി റെക്ടർ ഫാ. സേവ്യർ തേലക്കാട്ടിനെ കൊലപ്പെടുത്തിയ കേസിൽ കപ്യാർക്ക്​ ജീവപര്യന്തം തടവുശിക്ഷ​. മലയാറ്റൂർ വട്ടപ്പറമ്പൻ ജോണിയെയാണ്​ (62)​ എറണാകുളം പ്രിൻസിപ്പൽ സെഷൻസ് ജഡ്​ജി ഡോ. കൗസർ എടപ്പകത്ത്​ ശിക്ഷിച്ചത്​. ജീവപര്യന്തത്തിനുപുറമെ ഒരു ലക്ഷം രൂപ പിഴ അടക്കാനും ഉത്തരവുണ്ട്​. പിഴ അടക്കുന്നതിൽ വീഴ്​ച വരുത്തിയാൽ കൂടുതൽ കാലം ജയിൽശിക്ഷ അനുഭവിക്കേണ്ടിവരും.

2018 മാർച്ച്​ ഒന്നിന്​ ഉച്ചക്ക് 12.30നാണ് കേസിന്​ ആസ്​പദമായ സംഭവം നടന്നത്​. മലയടിവാരത്തെ തീർഥാടക കേന്ദ്രത്തിൽനിന്ന്​ നാരങ്ങ മുറിക്കുന്ന കത്തി കൈക്കലാക്കിയ ജോണി തിരുക്കർമങ്ങൾക്കുശേഷം മലയിറങ്ങിവരുകയായിരുന്ന ഫാ. സേവ്യറിനെ കുത്തിക്കൊലപ്പെടുത്തുകയായിരുന്നു. ആശുപത്രിയിലെത്തിക്കാൻ കൂടെയുള്ളവർ ശ്രമിച്ചെങ്കിലും കത്തി കാട്ടി ഭീഷണിപ്പെടുത്തി. ഒടുവിൽ പ്രതി കാട്ടിലേക്ക്​ ഓടിമറഞ്ഞശേഷമാണ്​ ആശുപത്രിയിലെത്തിച്ചത്​.

ആശുപത്രിയിൽ എത്തിച്ചെങ്കിലും രക്ഷിക്കാനായില്ല. അമിതമദ്യപാനത്തെ തുടർന്ന് ജോണിയെ കപ്യാർ ജോലിയിൽനിന്ന്​ മാറ്റിനിർത്തിയിരുന്നു. ഏപ്രിലിൽ നടക്കുന്ന തിരുനാളിനുമുമ്പ്​ ജോലിയിൽ തിരികെ കയറ്റണമെന്നാവശ്യപ്പെട്ട്​ ഫാ. സേവ്യറിനെ ഇയാൾ സ്ഥിരമായി ശല്യം ചെയ്തിരുന്നു. ഇതേതുടർന്നാണ്​ കൊല നടത്തിയത്​. തൊട്ടടുത്ത ദിവസംതന്നെ മലയാറ്റൂർ കാട്ടിൽനിന്ന് പ്രതിയെ അറസ്​റ്റ്​ ചെയ്​തിരുന്നു. 
കാലടി പൊലീസ് ഇൻസ്പെക്ടർ സജി മാർക്കോസാണ്​ കുറ്റപത്രം സമർപ്പിച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Crime Newskerala newsmalayalam newsFather Xavier Thelakkat's murder
News Summary - murder case update
Next Story