ചാരായം വാറ്റിന് ഗൃഹനാഥനെ പൊക്കി; പിറ്റേന്ന് അതേവീട്ടിൽ ഭക്ഷണക്കിറ്റുമായി പൊലീസ്
text_fieldsകൊളത്തൂർ: ചാരായം വാറ്റാൻ ശ്രമിച്ചതിന് ഗൃഹനാഥനെ പൊലീസ് പൊക്കിയതിെൻറ പിറ്റേ ദിവസവും പൊലീസ് വീട്ടിലെത്തിയപ്പോൾ കുടുംബം അമ്പരന്നു. അരിയും പലവ്യഞ്ജനങ്ങളും പച്ചക്കറിയുമുൾപ്പെടുന്ന കിറ്റുമായാണ് ഇത്തവണ പൊലീസെത്തിയത്.
കൊളത്തൂർ സി.ഐ പി.എം. ഷമീറിെൻറ നേതൃത്വത്തിലാണ് മാതൃകാപ്രവർത്തനം നടന്നത്. വെങ്ങാട് കഴിഞ്ഞ ദിവസം ചാരായവാറ്റിനിടെ കുഞ്ഞാറ്റത്തൊടി മണികണ്ഠനും പിടിയിലായിരുന്നു. മണികണ്ഠെൻറ വീട്ടിലെ ദയനീയാവസ്ഥകണ്ടാണ് പിറ്റേന്നുതന്നെ പൊലീസ് ഭക്ഷ്യവസ്തുക്കളുമായി വീട്ടിലെത്തിയത്.
എസ്.ഐ റെജിമോൻ ജോസഫ്, എസ്.സി. പി.ഒ വിവേക്, സി.പി.ഒ, പ്രിയജിത്ത്, സത്താർ എന്നിവരാണ് പൊലീസ് സംഘത്തിലുണ്ടായിരുന്നത്.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.