68 ലിറ്റർ വിദേശമദ്യം പിടികൂടി

പൂന്തുറ: വിൽപനക്കെത്തിച്ച 68 ലിറ്റർ വിദേശമദ്യം പൊലീസ് പിടികൂടി. മദ്യം കൊണ്ടുവന്ന ഓട്ടോറിക്ഷ ഡ്രൈവർ ഒളിവിലാണ്​. തിങ്കളാഴ്ച രാവിലെ പൂന്തുറ ഭാഗത്ത് പൊലീസ് പരിശോധന നടത്തുന്നതിനിടെയാണ് മദ്യവുമായി എത്തിയ ഓട്ടോറിക്ഷ പൊലീസ് പിടികൂടിയത്. പൊലീസ് പരിശോധന നടത്തുന്നത് കണ്ട ഓട്ടോഡ്രൈവർ വാഹനം ഉപേക്ഷിച്ച് കടന്നുകളയുകയായിരുന്നു. ഇയാളെ കുറിച്ച് വിവരം കിട്ടിയതിനെ തുടർന്ന് പൊലീസ് ഇയാളെ ക​െണ്ടത്താനുള്ള ശ്രമത്തിലാണ്.