20 പേർക്ക് കോവിഡ് സ്ഥിരീകരിച്ചു

കാട്ടാക്കട: കുറ്റിച്ചൽ, പൂവച്ചൽ, കള്ളിക്കാട് പഞ്ചായത്തുകളിലായി ചൊവ്വാഴ്ച . കുറ്റിച്ചലിൽ 39 പേർക്ക് പരിശോധന നടത്തിയപ്പോൾ 12 പേർക്ക്​ കോവിഡ് സ്ഥിരീകരിച്ചു. കുറ്റിച്ചൽ മേലെമുക്ക്, കോട്ടൂർ, കള്ളോട്, പരുത്തിപ്പള്ളി പ്രദേശങ്ങളിലാണ് കോവിഡ് ബാധിച്ചത്. മന്തിക്കളം, തച്ചൻകോട്, പരുത്തിപ്പള്ളി, പേഴുംമൂട് വാർഡുകൾ കണ്ടെയ്ൻമൻെറ് സോണാണ്‌. കൂടാതെ ആദിവാസി മേഖലയിലെ ചോനംമ്പാറ, വനം അതിരിടുന്ന കോട്ടൂർ എന്നിവിടങ്ങളിൽ നിയന്ത്രണവും ഏർപ്പെടുത്തിയിട്ടുണ്ട്. പൂവച്ചലിൽ വീരണകാവ് ആശുപത്രിയിൽ നടന്ന 50 പേരുടെ പരിശോധനയിൽ മുണ്ടുകോണത്തെ രണ്ടുപേർക്കും രോഗം സ്ഥിരീകരിച്ചു. പൊന്നെടുത്തകുഴിയിലെ രണ്ടുപേർ പോസിറ്റിവ് ആയി. ആലമുക്ക്, ഉണ്ടപ്പാറ, പൊന്നെടുത്തകുഴി, ചായ്ക്കുളം വാർഡുകൾ കണ്ടെയ്ൻമൻെറ് സോണാണ്‌. വ്യാഴാഴ്ച 50 പേരുടെ പരിശോധന വീരണകാവ് ആശുപത്രിയിൽ നടക്കുമെന്ന് പഞ്ചായത്ത് പ്രസിഡൻറ്​ കെ. രാമചന്ദ്രൻ പറഞ്ഞു. കള്ളിക്കാട് പഞ്ചായത്തിൽ നെയ്യാർഡാം ആശുപത്രിയിൽ 50 പേരുടെ പരിശോധന നടത്തിയപ്പോൾ നാലുപേർക്ക് രോഗം സ്ഥിരീകരിച്ചു. മഞ്ചാടിമൂട്, മൈലക്കര എന്നിവിടങ്ങളിലായി രണ്ടുപേർക്ക് വീതമാണ് രോഗം സ്ഥിരീകരിച്ചത്.