12 ആകണ്ടേ? ബോധവത്​കരണവുമായി മുഖ്യമന്ത്രി

തിരുവനന്തപുരം: 12 ആകണ്ടേ? 12 ആയാൽ നല്ലത്​. 12 ആകണം. ​​​​​ക്ലോക്കി​ൻെറ ചിത്രം ഫേസ്​ബുക്കിലിട്ട്​ മുഖ്യമന്ത്രി പിണറായി വിജയൻ കുറിച്ചത്​ അഭ്യൂഹങ്ങൾക്ക്​ ഇടയാക്കി. രസകരമായ കമൻറുകളാണ്​ പോസ്​റ്റിന്​ അടിയിലെത്തിയത്​. രാഷ്​ട്രീയം മുതൽ മുഖ്യമന്ത്രിയുടെ 12 ഇന പരിപാടികളും വരെ പലരും കുറിച്ചു. സസ്​പെൻസ്​ പൊളിച്ച്​ മുഖ്യമന്ത്രിതന്നെ 12 ഒാടെ കാര്യം വ്യക്തമാക്കി. ആരോഗ്യമുള്ള ശരീരത്തിന്​ രക്തത്തിൽ 12 g/dl ഹീമോഗ്ലോബിൻ ആവശ്യമാണെന്നും​ ഇൗ അളവിൽ നിർത്താനായില്ലെങ്കിൽ അനീമിയ ഉണ്ടാകുമെന്നുമായിരുന്നു മുഖ്യമന്ത്രിയുടെ വിശദീകരണം. അനീമിയ വന്നാൽ തളർച്ച, ശ്വാസതടസ്സം, ബോധക്ഷയം, ക്രമരഹിതമായ ആർത്തവം, പഠനത്തിൽ അശ്രദ്ധ, പ്രസവ സമയത്ത് അമിത രക്തസ്രാവം തുടങ്ങി നിരവധി ആരോഗ്യ പ്രശ്നങ്ങൾ നേരിടേണ്ടി വരും. ഇതൊഴിവാക്കാനായി ഇരുമ്പും വൈറ്റമിൻ-സിയും അടങ്ങിയ പദാർഥങ്ങൾ ഭക്ഷണത്തിൽ കൂടുതലായി ഉൾപ്പെടുത്തണം. ഐ.എഫ്.എ ടാബ്​ലറ്റുകളും കഴിക്കാം. വിളർച്ചയെ അകറ്റി നിർത്താൻ ഹീമോഗ്ലോബിൻ നില 12 g/dI ആയി നിലനിർത്താം. ഈ സന്ദേശം എല്ലാവരും ഏറ്റെടുക്കുകയും മറ്റുള്ളവരുമായി പങ്കു​വെക്കുകയും ചെയ്യണമെന്നും മുഖ്യമന്ത്രി അഭ്യർഥിച്ചു.