വിലക്കുലംഘനം: 137 പേര്‍ക്കെതിരെ കേസ്​

തിരുവനന്തപുരം: നഗരത്തിൽ ശനിയാഴ്ച പൊലീസ് നടത്തിയ പരിശോധനയിൽ 137 പേർക്കെതിരെ നിയമനടപടി സ്വീകരിച്ചു. രോഗവ്യാപനം ഉണ്ടാക്കുന്ന തരത്തിൽ വിലക്കുലംഘനം നടത്തിയ 28 പേർക്കെതിരെ എപ്പിഡെമിക് ഡിസീസസ് ഓർഡിനൻസ് പ്രകാരം കേസെടുത്തു. മാസ്ക് ധരിക്കാത്തതിന് 75 പേരിൽനിന്നും സാമൂഹിക അകലം പാലിക്കാത്ത 13പേരിൽ നിന്നുമായി 17,600 രൂപ പിഴ ഈടാക്കി. സുരക്ഷ മാർഗനിർ​േ​ദശങ്ങൾ പാലിക്കാതെ യാത്രചെയ്​ത രണ്ട് വാഹനങ്ങൾക്കും കോവിഡ് മാനദണ്ഡങ്ങൾ പാലിക്കാതെ പ്രവർത്തിച്ച ഒമ്പത് കടകൾക്കുമെതിരെ നടപടി സ്വീകരിച്ചു.