Begin typing your search above and press return to search.
exit_to_app
exit_to_app
Posted On
date_range 13 Oct 2021 12:05 AM GMT Updated On
date_range 13 Oct 2021 12:05 AM GMTകാട്ടാക്കട മിനി സിവിൽ സ്റ്റേഷനിലേക്ക് യാത്ര ദുഷ്കരം
text_fieldsbookmark_border
*മിനി സിവിൽ സ്റ്റേഷനിലേക്കുള്ള റോഡിൽ കാല്നടപോലും പ്രയാസകരമാണെന്ന് ആക്ഷേപം കാട്ടാക്കട: താലൂക്ക് ഒാഫിസ്, സബ് രജിസ്ട്രാർ ഒാഫിസ്, സിവില് സൈപ്ലസ് ഓഫിസ്, എംപ്ലോയ്മൻറ് എക്സ്ചേഞ്ച് തുടങ്ങിയ സര്ക്കാര് ഓഫിസുകള് പ്രവര്ത്തിക്കുന്ന കാട്ടാക്കട മിനി സിവിൽ സ്റ്റേഷനില് എത്താന് യാത്ര ദുഷ്കരം. മിനി സിവിൽ സ്റ്റേഷനിലേക്ക് റോഡുണ്ടെങ്കിലും അതിലൂടെ കാല്നടപോലും പ്രയാസകരമാണെന്ന് ആക്ഷേപമുണ്ട്. തുടര്ച്ചയായി മഴ പെയ്തതോടെ റോഡ് വെള്ളക്കെട്ടായി. പേരിനുപോലും ടാറില്ലാത്ത നിലയിലാണ് റോഡ്. റോഡില് വലിയ കുഴികള് രൂപപ്പെട്ടതോടെ അപകടം തുടര്സംഭവമായി. മഴ പെയ്യുമ്പോൾ റോഡ് ചെളിക്കുളമാകുന്ന സ്ഥിതിയാണ്. ഇവിടേക്ക് ഓട്ടം പോകാന് ടാക്സികളും ഓട്ടോ റിക്ഷകളും വിസമ്മതിക്കുന്നു. ഒരേസമയം നൂറുണക്കിനാളുകള് ഒത്തുചേരുന്ന സിവില് സ്റ്റേഷനില് അപകടമുണ്ടായാല് ഫയര്ഫോഴ്സിൻെറ വാഹനങ്ങള് എത്താൻപോലും കഴിയാത്ത അവസ്ഥയാണ്. സിവില് സ്റ്റേഷനിലേക്ക് എത്താനുള്ള റോഡുകള് ഗതാഗത യോഗ്യമാക്കണമെന്നാവശ്യപ്പെട്ട് നാട്ടുകാര് സമരത്തിനൊരുങ്ങുകയാണ്. സിവില് സ്റ്റേഷനിലേക്ക് കാട്ടാക്കട പൊതുചന്തിലൂടെ വഴി തുറന്നെങ്കിലും വാഹനയാത്രക്ക് യോഗ്യമല്ല. ഇതുവഴിയം റോഡ് നിർമിക്കണമെന്ന ആവശ്യം നിരവധിതവണ ഉന്നയിച്ചെങ്കിലും അധികൃതര് കണ്ണുതുറന്നിട്ടില്ല. കാപ്ഷൻ: കാട്ടാക്കട സിവില് സ്റ്റേഷനിലേക്കുള്ള റോഡ്
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story