Begin typing your search above and press return to search.
exit_to_app
exit_to_app
Posted On
date_range 21 July 2021 12:02 AM GMT Updated On
date_range 21 July 2021 12:02 AM GMTഅവയവദാനം: കാലതാമസം ഒഴിവാക്കാന് നടപടി
text_fieldsbookmark_border
തിരുവനന്തപുരം: കോവിഡ് സാഹചര്യത്തില് അവയവദാനത്തില് കാലതാമസം ഒഴിവാക്കാൻ ആരോഗ്യവകുപ്പ് നടപടി. അവയവദാനത്തിന് അംഗീകാരം നല്കുന്നതിനുള്ള ജില്ല തല ഓതറൈസേഷന് കമ്മിറ്റിയില് മാറ്റം വരുത്തി സര്ക്കാര് ഉത്തരവിട്ടു. കോവിഡ് സാഹചര്യത്തില് അതത് മെഡിക്കല് കോളജുകളിലെ അഡ്മിനിസ്ട്രേറ്റിവ് ഓഫിസര്മാരെ ആരോഗ്യ വകുപ്പ് പ്രിന്സിപ്പല് സെക്രട്ടറിയുടെ നോമിനിയായി നിയമിച്ചാണ് ഉത്തരവിട്ടത്. ഇതിലൂടെ അവയവദാനത്തിന് അംഗീകാരം നല്കുന്നതിനുള്ള ജില്ലതല ഓതറൈസേഷന് കമ്മിറ്റി വേഗത്തില് കൂടി തീരുമാനമെടുക്കാന് സാധിക്കും. അതത് മെഡിക്കല് കോളജുകളിലാണ് ജില്ലതല ഓതറൈസേഷന് കമ്മിറ്റി യോഗം ചേരുന്നത്. വിദഗ്ധരടങ്ങുന്ന ഈ കമ്മിറ്റിയില് സെക്രേട്ടറിയറ്റില്നിന്ന് ആരോഗ്യ വകുപ്പിൻെറ ഉയര്ന്ന ഉദ്യോഗസ്ഥന് സര്ക്കാര് പ്രതിനിധിയായി പങ്കെടുക്കാറുണ്ട്. ഏത് ജില്ലയിലായാലും തിരുവനന്തപുരത്തുനിന്ന് ഈ ഉദ്യോഗസ്ഥന് അവിടെയെത്തണം. എന്നാല്, കോവിഡ് സാഹചര്യത്തില് ദീര്ഘദൂരം യാത്ര ചെയ്ത് കമ്മിറ്റിയിലെത്താന് പലപ്പോഴും കാലതാമസം ഉണ്ടാകാറുണ്ടായിരുന്നു. ഇത് ശ്രദ്ധയില്പെട്ടതിനെ തുടര്ന്നാണ് നടപടി സ്വീകരിച്ചതെന്ന് മന്ത്രി വ്യക്തമാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story