ഒടുവിൽ കേസെടുത്തു

കുണ്ടറ: മന്ത്രി എ.കെ. ശശീന്ദ്രൻ ഇടപെട്ട പീഡനപരാതിയില്‍ രണ്ടു പേര്‍ക്കെതിരെ കുണ്ടറ പൊലീസ് കേസെടുത്തു. എൻ.സി.പി നേതാവ്​ പത്മാകരൻ, കുണ്ടറ സ്വദേശി രാജീവൻ എന്നിവർക്കെതിരെ ചൊവ്വാഴ്ച രാത്രിയോടെയാണ് കേസ് രജിസ്​റ്റർ ചെയ്തത്. എന്‍.സി.പി മണ്ഡലം ഭാരവാഹിയുടെ മകള്‍ ആഴ്​ചകൾക്കുമുമ്പ്​ നൽകിയ പരാതി ഇന്നലെ വിവാദമായതോടെയാണ്​ നടപടി. സ്ത്രീത്വത്തെ അപമാനിച്ചു, ലൈംഗികച്ചുവയോടെ സംസാരിച്ചു എന്ന കുറ്റങ്ങളാണ്​ ചുമത്തിയത്​.