പാറശ്ശാല: ചെങ്കല്‍ പഞ്ചായത്തില്‍ ആര്‍. ഗിരിജ പ്രസിഡൻറും കെ. അജിത്കുമാര്‍ വൈസ് പ്രസിഡൻറും ആകുമെന്ന് സൂചന. നിലവിലെ കോണ്‍ഗ്രസ് സ്റ്റാൻഡിങ് കമ്മിറ്റി ചെയര്‍പേഴ്‌സണും മുന്‍ ചെങ്കല്‍ പഞ്ചായത്തിലെ വാര്‍ഡ് അംഗവുമായ ആര്‍. ഗിരിജ, ആറയൂര്‍ കിഴക്ക് വാര്‍ഡില്‍ നിന്നും കെ. അജിത്കുമാര്‍ കൊച്ചോട്ടുകോണം വാര്‍ഡില്‍ നിന്നുമാണ് തെരഞ്ഞെടുക്കപ്പെട്ടത്. 13 സീറ്റുകള്‍ നേടിയ കോൺഗ്രസാണ് വലിയ ഒറ്റക്കക്ഷി. സി.പി.എം -അഞ്ച്, സി.പി.ഐ -ഒന്ന്, കോണ്‍. വിമതര്‍ -രണ്ട് എന്നിങ്ങനെയാണ് കക്ഷിനില. 2015ലെ തെരഞ്ഞെടുപ്പില്‍ കോണ്‍ഗ്രസ് -ഒമ്പത്, സി.പിഎം-എട്ട് , ബി.ജെ.പി രണ്ട്, സ്വതന്ത്രര്‍ -രണ്ട് എന്നിങ്ങനെയായിരുന്നു കക്ഷിനില. സ്വതന്ത്രരുടെ പിന്തുണയോടെ എല്‍.ഡി.എഫ് ഭരണം പിടിച്ചെടുക്കുകയായിരുന്നു. നിലവിലെ സി.പി.എം പ്രസിഡൻറിനെ പാര്‍ട്ടി സീറ്റു കൊടുക്കാതെ പുറത്താക്കിയത് സി.പി.എമ്മിൽ വിമതശല്യത്തിന് കാരണമായി. ഏഴോളം സി.പി.എം വിമതര്‍ മത്സരിച്ച പഞ്ചായത്തില്‍ സി.പി.ഐ-ഒന്ന്, സി.പി.എം-അഞ്ച് എന്നിങ്ങനെ ഒതുങ്ങേണ്ടിവന്നു. കോണ്‍ഗ്രസില്‍ നിന്നും സീറ്റ് ലഭിക്കാത്തതിനെ തുടര്‍ന്ന് രണ്ട് വാര്‍ഡുകളില്‍ മത്സരിച്ച വിമതരും തെരഞ്ഞെടുക്കപ്പെട്ടു.
Begin typing your search above and press return to search.
keyboard_arrow_downexit_to_app
exit_to_app
Posted On
date_range 19 Dec 2020 12:00 AM GMT Updated On
date_range 2020-12-19T05:30:14+05:30ചെങ്കല്‍ പഞ്ചായത്ത്: ആര്‍. ഗിരിജ പ്രസിഡൻറാവും
text_fieldsNext Story