പാണ്ടിക്കാറ്റും കാട്ടുപാതകളും താണ്ടി ജനാധിപത്യത്തിനൊരു വോട്ട്​

10 കിലോമീറ്റർ സഞ്ചരിച്ചാണ്​ മല്ലൻ കാണിയും കുടുംബവും വോട്ട്​ ചെയ്യാനെത്തിയത്​ തിരുവനന്തപുരം: 'ഇറങ്ങാനൊരുങ്ങു​േമ്പാഴുണ്ട്​ കൂറ്റൻ മരം വീണ്​ വഴിമുടങ്ങി...പിന്നെ ആൾക്കാര്​ കോടാലിയുമായൊക്കെ വന്ന്​ മരം മുറിച്ച് മാറ്റിയപ്പോഴാണ്​ ഇറങ്ങാനായത്​...എ​ത്ര താമസിച്ചാലും വരും...അത്​ പണ്ടേയുള്ളതാണ്​...'' വെളുക്കെച്ചിരിച്ച്​ ഭാർഗവി പറഞ്ഞുനിർത്തി. പേടിവിതറുന്ന 'പാണ്ടിക്കാറ്റി'​നെയും ദുർഗമമായ മലമ്പാതകളെയും അതിജീവിച്ച്​ കാടിനുള്ളിലെ ​പൊടിയം സാംസ്​കാരിക നിലയത്തിൽ വോട്ട്​ ചെയ്യാനെത്തിയതാണ്​ മല്ലൻ കാണിയും കുടുംബവും. പൊടിയത്തുനിന്ന്​ 10 കിലോമീറ്റർ അകലെ ഇറമ്പിയാട്​ സെറ്റിൻമൻെറ്​ കോളനിയിലാണ്​ മല്ലൻകാണിയും ഭാര്യ നീലമ്മയും മകൾ ഭാർഗവിയും കഴിയുന്നത്​. എവിടെയാണ്​ താമസിക്കുന്നതെന്ന്​ ​േചാദിച്ചാൽ കിഴക്ക്​ ഭാ​ഗത്തേക്ക്​ ചൂണ്ടി, 'അങ്ങ്​ ആകാണുന്ന രണ്ട്​ മലകൾക്കപ്പുറത്താണ്​...'' എന്നതാണ്​ ഇവരുടെ ദൂരക്കണക്ക്​. കാട്ടിനുള്ളിലെ ഉൗടുവഴികളിലൂടെ കാൽനടയായി വരാം. പക്ഷേ, 90 കഴിഞ്ഞ മല്ലൻകാണിക്ക്​ അവശതകൾമൂലം നടക്കാനാകാത്തിനാൽ കല്ലുകൾ തെറിച്ചും ഉന്തിയും നിൽക്കുന്ന കുത്തനെയുള്ള കയറ്റിറങ്ങളും കൂറ്റൻ വളവുകളുമുള്ള മൺപാതകളിലൂടെ പത്ത്​ കി​േലാമീറ്റർ ജീപ്പിലെത്തണം. വഴിയിൽ വെള്ളം നിറഞ്ഞൊഴുകുന്ന സ്​ഥലങ്ങളുണ്ട്​. ഇവിടെ ഇറങ്ങിക്കേറിയൊക്കെയാണ്​ യാത്ര. ഇങ്ങോ​േട്ടക്ക്​ ജീപ്പിലാണെത്തിയത്​. വോട്ട്​ കഴിഞ്ഞ്​ ഉച്ചക്ക്​ പന്ത്രണ്ടരയോടെ മടക്കവണ്ടിക്കായി ബൂത്തിന്​ മുന്നിൽ കാത്തിരിക്കുകയാണവർ. നാട്ടിലെ യാത്രപോലെ വേഗത്തിലൊന്നും പത്ത്​ കിലോമീറ്റർ താണ്ടാനാവില്ല. ഉച്ചക്കിറങ്ങിയാൽ വീടണയാൻ വൈകുന്നേരമാകും. ഒരു പെട്ടിക്കട​ പോലുമില്ലാത്ത വഴികളിലൂടെയാണ്​ യാത്ര. വൃശ്ചികമാസത്തിൽ തമിഴ്​നാട്​ അതിർത്തിയിൽനിന്ന്​ ഭീതിവിതച്ചെത്തുന്ന കാറ്റിനാണ്​ കാണിക്കാർ പാണ്ടിക്കാ​െറ്റന്ന്​ പറയുന്നത്​. ആഗസ്​ത്യാർകൂടം വനമേഖലയിൽ ആദ്യമായി മർഫി റേഡിയോ കൊണ്ട്​ വന്നതിനാൽ 'റേഡിയോ മല്ലൻകാണി' എന്ന പേരിലാണ്​ സെറ്റിൻമെറ്റിൽ ഇദ്ദേഹം അറിയപ്പെടുന്നത്​. തമിഴ്​നാട്ടിൽ നിന്നാണ്​ റേഡിയോ വാങ്ങിയത്​. നാട്ടിലെ തെരഞ്ഞെടുപ്പ്​ വാർത്തകളെല്ലാം ഇൗ മർഫി റേഡിയോയിലൂടെയാണ്​ കാടറിഞ്ഞിരുന്നത്​. റേഡിയോ കേൾക്കാതെ ഉറക്കം വരില്ലെന്ന്​ മല്ലൻകാണി പറയുന്നു. എം. ഷിബു