Begin typing your search above and press return to search.
exit_to_app
exit_to_app
Posted On
date_range 7 Dec 2020 11:58 PM GMT Updated On
date_range 7 Dec 2020 11:58 PM GMTഗൃഹനാഥൻ ചികിത്സാസഹായം തേടുന്നു
text_fieldsbookmark_border
അഞ്ചൽ: വർഷങ്ങളായി നട്ടെല്ല് സംബന്ധമായ അസുഖത്തെ തുടർന്ന് ചികിത്സയിലായ ഗൃഹനാഥൻ തുടർ ചികിത്സക്കും കുടുംബം പുലർത്തുന്നതിനുമായി സഹായം തേടുന്നു. അഞ്ചൽ പടിഞ്ഞാറ്റിൻകരയിൽ സഫീല മൻസിലിൽ നിസാമുദ്ദീനാണ് (49) ഈ ദുരവസ്ഥ. രണ്ടു വർഷത്തിലേറെയായി കിടപ്പിലാണ് നിസാമുദ്ദീൻ. നേരത്തേ ഗൾഫിൽ കുറച്ചുനാൾ സ്വകാര്യ കമ്പനിയിൽ ജോലി നോക്കിയിരുന്നതാണ്. അസുഖബാധിതനായതിനെത്തുടർന്ന് നാട്ടിലെത്തി. ഇവിടത്തെ വ്യാപാരശാലകളിലും മറ്റും ചെറിയ ജോലികൾ ചെയ്ത് കുടുംബം പോറ്റി വരവെയാണ് രോഗം മൂർച്ഛിച്ചത്. ഇതോടെ സ്വന്തമായുണ്ടായിരുന്ന വീടും സ്ഥലവും വിറ്റുകിട്ടിയ പണം കൊണ്ട് ചികിത്സ നടത്തി. തൊഴിൽരഹിതയായ ഭാര്യ ജസീല, മക്കളായ റാബിയ, അബാന എന്നിവരോടൊപ്പം വാടകവീട്ടിലാണ് ഇപ്പോൾ താമസം. നിരവധി ആശുപത്രികളിൽ ചികിത്സ നടത്തിയെങ്കിലും ഓപറേഷൻ അല്ലാതെ വേറെ മാർഗങ്ങളൊന്നുമില്ല എന്നാണ് ഡോക്ടർമാരുടെ നിർദേശം. ഈ മാസം 17ന് തിരുവനന്തപുരം ശ്രീ ചിത്രാ ഹോസ്പിറ്റലിൽ ഓപറേഷൻ നടക്കും. ഏകദേശം ആറു ലക്ഷം രൂപക്ക് മുകളിൽ ചെലവ് വരും. നിത്യജീവിതത്തിനു പോലും ഏറെ ബുദ്ധിമുട്ടുന്ന ഇവർക്ക് ഇത്രയും തുക താങ്ങാവുന്നതിനപ്പുറമാണ്. സുമനസ്സുകൾ കനിഞ്ഞാൽ ഒാപറേഷൻ നടക്കുമെന്ന പ്രതീക്ഷയിലാണ് കുടുംബം. കേരള ഗ്രാമീൺ ബാങ്കിൻെറ അഞ്ചൽ ശാഖയിൽ അക്കൗണ്ട് ആരംഭിച്ചിട്ടുണ്ട്. അക്കൗണ്ട് നമ്പർ: 4056 4101043482. IFSC: KLGB0040564. ഫോൺ: 9495700035, 9074320428.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story