Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightഇന്ത്യൻ ഐ.ടി...

ഇന്ത്യൻ ഐ.ടി വിപ്ലവത്തി​െൻറ ആചാര്യൻ എഫ്​.സി കോഹ്​ലി അന്തരിച്ചു

text_fields
bookmark_border
ഇന്ത്യൻ ഐ.ടി വിപ്ലവത്തി​ൻെറ ആചാര്യൻ എഫ്​.സി കോഹ്​ലി അന്തരിച്ചു മുംബൈ: ഇന്ത്യയിൽ ഐ.ടി വിപ്ലവത്തിന്​ വിത്തിട്ടവരിൽ ഏറ്റവും പ്രമുഖനും രാജ്യത്തെ ഏറ്റവും വലിയ ഐ.ടി കമ്പനിയായ ടാറ്റ കൺസൽട്ടൻസിയു​െട (ടി.സി.എസ്​) സ്ഥാപക സി.ഇ.ഒയുമായ ഫാഖിർ ചന്ദ്​ കോഹ്​ലി മുംബൈയിൽ അന്തരിച്ചു. പത്മഭൂഷൺ ജേതാവുകൂടിയായ അദ്ദേഹത്തിന്​ 96 വയസ്സായിരുന്നു. ജെ.ആർ.ഡി ടാറ്റയുടെ നിർബന്ധത്തിൽ ടാറ്റ ഗ്രൂപ്പി​ൻെറ ഭാഗമായ കോഹ്​ലിയാണ്​ രാജ്യത്തി​ൻെറ ഐ.ടി വിപ്ലവത്തിന്​ തറക്കല്ലിട്ടതെന്ന്​ അദ്ദേഹത്തി​ൻെറ മരണവാർത്ത അറിയിച്ച്​ ടാറ്റ ഗ്രൂപ്​ വൃത്തങ്ങൾ അനുസ്​മരിച്ചു. യു.എസിലെ മസാചൂസറ്റ്​സ്​ സർവകലാശാലയിൽനിന്ന്​ 1950ൽ ബിരുദം നേടി എത്തിയ കോഹ്​ലി അടുത്ത വർഷംതന്നെ ടാറ്റ ഇലക്​ട്രിക്കിൽ കരിയർ ആരംഭിച്ചു. പിന്നീട്​ ടി.സി.എസിലേക്ക്​ മാറിയ അദ്ദേഹം കമ്പനിയെ ലോകോത്തര സോഫ്​റ്റ്​വെയർ സ്ഥാപനമാക്കി ഉയർത്തിയതിൽ നേതൃപരമായ പങ്കുവഹിച്ചു. ഇന്ത്യൻ ഐ.ടി രംഗത്തെ യഥാർഥ ഇതിഹാസമായ ഫാഖിർ ചന്ദ്​ കോഹ്​ലിയുടെ ശുഭാപ്​തിവിശ്വാസം​ രാജ്യത്തെ മുന്നോട്ടു നയിക്കുന്നതിൽ സുപ്രധാന പങ്കുവഹിച്ചു​െവന്ന്​ ടാറ്റ സൺസ്​ ചെയർമാൻ എൻ. ചന്ദ്രശേഖരൻ അനുസ്​മരിച്ചു. ഇന്ത്യൻ ഐ.ടി വ്യവസായത്തെ ലോകോത്തരമാക്കിയതിൽ കോഹ്​ലിക്കുള്ള പങ്ക്​ സുപ്രധാനമായിരുന്നുവെന്ന്​ കേന്ദ്ര ഐ.ടി മന്ത്രി രവിശങ്കർ പ്രസാദ്​ പറഞ്ഞു. പടം: fc kohli
Show Full Article
TAGS:
Next Story