ഞാൻ 'എ' ഗ്രൂപ്പുകാരൻ -കൊടിക്കുന്നിൽ

കൊല്ലം: കോൺഗ്രസിലെ 'എ' ഗ്രൂപ്പുകാരനാണ്​ താനെന്ന്​ കെ.പി.സി.സി വർക്കിങ്​ പ്രസിഡൻറ്​ കൊടിക്കുന്നിൽ സുരേഷ്​ എം.പി. രണ്ടുവർഷമായി പല കാരണങ്ങളാൽ, 'എ' ഗ്രൂപ്പിൽനിന്ന്​ വിട്ടുനിൽക്കുകയായിരുന്നു. ഇപ്പോൾ ഗ്രൂപ്പിൽ തിരിച്ചുവന്നിട്ടുണ്ട്​. തന്നെ എ ഗ്രൂപ്പുകാരനായി ചിലർ അംഗീകരിക്കുന്നി​െല്ലന്ന്​ പറയുന്നതിൽ കാര്യമില്ല. ഗ്രൂപ്പി​ൻെറ അവസാന വാക്ക്​ ഉമ്മൻ ചാണ്ടിയാണ്​. അദ്ദേഹം അങ്ങനെ പറയാത്തിടത്തോളം മറ്റുള്ളവർ പറയുന്നതിൽ കാര്യമില്ല. സ്വന്തമായി ഒരു ഗ്രൂപ്പ്​ കൊണ്ടുനടക്കാനുള്ള ശേഷിയുണ്ടെങ്കിലും എ ഗ്രൂപ്പിൽ തന്നെ തുടരാനാണ്​ ഉ​േദ്ദശം. ദേശീയതലത്തിൽ, കോൺഗ്രസ്​ നേതൃത്വത്തി​നെതിരായ പരാതികൾ ഗൗരവത്തോടെ ഉൾ​െക്കാണ്ട്​ മാറ്റങ്ങൾ വരുത്താൻ നടപടി​ കൈക്കൊണ്ടിരിക്കെ, വീണ്ടും വിമർശനങ്ങൾ ഉയർത്തുന്നതിനോട്​ യോജിപ്പില്ലെന്നും അദ്ദേഹം പറഞ്ഞു.