ഒരു ബാർ മുതലാളിയെയും കെ.പി.സി.സി ഒാഫിസി​ൽ കാലുകുത്തിക്കില്ല -മുല്ലപ്പള്ളി

കൊല്ലം: താൻ ​പ്രസിഡൻറായിരിക്കുന്ന കാലത്തോളം ഒരു ബാർ മുതലാളിയെയും കെ.പി.സി.സി ഒാഫിസി​ൽ കാലുകുത്താൻ അനുവദിക്കില്ലെന്ന്​ കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രൻ. കെ.പി.സി.സിക്ക്​ ഫണ്ട്​ നൽകാൻ ഒാഫിസിലെത്തിയെന്നാണ്​ ഒരു ബാർ മുതലാളി ആരോപണം ഉന്നയിച്ചിരിക്കുന്നത്​. ആ ബാർ മുതലാളിക്ക്​ എന്ത്​ വിശ്വാസ്യതയാണുള്ളത്​. കൊല്ലം പ്രസ്​ക്ലബി​ൻെറ തദ്ദേശീയം-2020 പരിപാടിയിൽ സംസാരിക്കുകയായിരുന്നു അദ്ദേഹം. ആരോപണം പ്രതിപക്ഷനേതാവ്​ രമേശ്​ ചെന്നിത്തല ശക്തിയായി നിഷേധിച്ചിട്ടുണ്ട്​. തദ്ദേശ തെരഞ്ഞെടുപ്പിൽ ഏറ്റവും അനുകൂലമായ രാഷ്​ട്രീയ സാഹചര്യമാണ്​ തങ്ങൾക്കുള്ളത്​. അഴിമതിയും സ്വജനപക്ഷപാതവും ജീവിത ശൈലിയാക്കിയ മുഖ്യമ​ന്ത്രിയാണ്​ സംസ്​ഥാനം ഭരിക്കുന്നത്​. അഴിമതി ആചാരമാക്കിയ കലാകാരനാണദ്ദേഹം. ഏത്​ സമയവും കേന്ദ്ര ഏജൻസികൾ പിണറായി വിജയനെ ചോദ്യംചെയ്യാനും കസ്​റ്റഡിയിലെടുക്കാനും സാധ്യതയുണ്ട്​. ഇൗ വഴിക്കുതന്നെയാണ്​ ധനമന്ത്രി തോമസ്​ ​െഎസക്കും പോകുന്നതെന്നും അദ്ദേഹം പറഞ്ഞു.