മദ്യ ചില്ലറ വിൽപന ശാലയില്‍ തർക്കം; യുവാവിന്​ വെ​േട്ടറ്റു

ബാലരാമപുരം: മദ്യ ചില്ലറ വിൽപന ശാലയില്‍ മദ്യം വാങ്ങാനെത്തിയ കത്തിവിൽപനക്കാരനും ജീവനക്കാരനും തമ്മിലുള്ള തർക്കം പറഞ്ഞുതീർക്കാനെത്തിയ യുവാവിന് വെട്ടേറ്റു. ബുധനാഴ്​ച വൈകീട്ട് 4.30ഒാടെയാണ് സംഭവം. പരിക്കേറ്റ വെടിവച്ചാൻകോവിൽ പാരൂർക്കുഴി കടയറ വീട്ടിൽ കിരണിനെ (28) മെഡിക്കല്‍ കോളജ് ആശുപത്രിയിൽ പ്രവേശിപ്പിച്ചു. ​െബവ്കോ ആപ്പില്ലാത്തതിനാൽ ജീവനക്കാരൻ ഇയാളെ ക്യൂവിന് പിന്നിലേക്ക് മാറ്റിയത് ചോദ്യംചെയ്യുന്നത് വിലക്കിയതാണ് പ്രകോപനമായത്. ബാഗിൽനിന്ന്​ കത്തിയെടുത്ത് കിരണി​ൻെറ കഴുത്തിലും കൈയിലും വെട്ടുകയായിരുന്നു. കത്തിവിൽപന നടത്തുകയും രാകി മിനുസപ്പെടുത്തി നൽകുകയും ചെയ്യുന്നയാളാണ് സംഭവത്തിന്​ പിന്നിലെന്ന് പൊലീസ് പറഞ്ഞു. സംഭവത്തിനുശേഷം ഇയാൾ രക്ഷപ്പെ​െട്ടന്ന്​ കരുതുന്ന ഓട്ടോ പൊലീസ് കസ്​റ്റഡിയിലെടുത്തു.