സംവരണ അട്ടിമറി: വിശ്വകർമ മഹാസഭ പ്രക്ഷോഭത്തിലേക്ക്

കൊല്ലം: സാമൂഹികവിവേചനം ഇപ്പോഴും നിലനിൽക്കെ, എല്ലാ അധികാരങ്ങളു​െടയും ഉടമകളായ സവർണർക്ക് സംവരണം നൽകാനുള്ള നീക്കം ഭരണഘടനാവിരുദ്ധമാണെന്ന് അഖില കേരള വിശ്വകർമ മഹാസഭ ഡയറക്ടർ ബോർഡ്. പ്രത്യക്ഷസമരത്തിൻറ തുടക്കം കുറിച്ച്​ നവംബർ 18ന് സെക്ര​േട്ടറിയറ്റ് നടയിലും ജില്ല ആസ്ഥാനങ്ങളിലും താലൂക്ക് ആസ്ഥാനങ്ങളിലും പ്രതിഷേധ പരിപാടികൾ സംഘടിപ്പിക്കും. സംസ്ഥാന പ്രസിഡൻറ് അഡ്വ.പി.ആർ. ദേവദാസ് അധ്യക്ഷത വഹിച്ചു. ജനറൽ സെക്രട്ടി പി. വാമദേവൻ, വൈസ് പ്രസിഡൻറുമാരായ വി. രാജഗോപാൽ, വി. അപ്സലൻ, കെ.പി. അപ്പുക്കുട്ടി, കരമന ബാലകൃഷ്ണൻ, സെക്രട്ടറിമാരായ എ.വി. കൃഷ്ണൻ, കോട്ടക്കകം ജയകുമാർ, പി.കെ. തമ്പി, കെ. മുരളീധരൻ തുടങ്ങിയവർ സംസാരിച്ചു.