ഇന്ത്യ-അമേരിക്ക ബന്ധം സൈനിക സഖ്യമല്ല ^ശിവശങ്കർ മേനോൻ

ഇന്ത്യ-അമേരിക്ക ബന്ധം സൈനിക സഖ്യമല്ല -ശിവശങ്കർ മേനോൻ തിരുവനന്തപുരം: ഇന്ത്യയും അമേരിക്കയും തമ്മിലെ ബന്ധം സൈനിക സഖ്യമായി വളർന്നിട്ടില്ലെന്ന് മുൻ ദേശീയ സുരക്ഷ ഉപദേഷ്​ടാവും വിദേശകാര്യ സെക്രട്ടറിയുമായിരുന്ന ശിവശങ്കർ മേനോൻ. മുൻ രാഷ്​ട്രപതി കെ.ആർ. നാരായണ​ൻെറ നൂറാം ജന്മവാർഷികവുമായി ബന്ധപ്പെട്ട് ഇൻസ്​റ്റിറ്റ്യൂട്ട് ഓഫ് പാർലമൻെററി അഫയേഴ്സ് സംഘടിപ്പിച്ച പ്രഭാഷണ പരമ്പരയിൽ സംസാരിക്കുകയായിരുന്നു അദ്ദേഹം. ഒരു സഖ്യത്തി​ൻെറ അടിസ്ഥാന സ്വഭാവം അടിയന്തര ഘട്ടത്തിലുള്ള സൈനിക സഹായമാണ്. ആ രീതിയിൽ ഇന്ത്യ-അമേരിക്ക ബന്ധം വളർന്നുവന്നില്ല. പശ്ചിമ ഏഷ്യയിൽ വീണ്ടും സൈനിക ഇടപെടലിന് അമേരിക്ക ആഗ്രഹിക്കുന്നി​ല്ലെന്നും അദ്ദേഹം പറഞ്ഞു. ജവഹർലാൽ നെഹ്റു യൂനിവേഴ്സിറ്റി പ്രഫസർ ഡോ. ഹാപ്പിമോൻ ജേക്കബ് അധ്യക്ഷത വഹിച്ചു. കെ.ആർ. നാരായണ​ൻെറ മകൾ ചിത്ര നാരായണൻ, ഡയറക്ടർ ജനറൽ ഡോ. ഡിംപി വി. ദിവാകരൻ എന്നിവർ പങ്കെടുത്തു.