വെട്ടുകേസിലെ അഞ്ചാംപ്രതി അറസ്​റ്റിൽ

ആറ്റിങ്ങല്‍: യുവാവിനെ വെട്ടിയ കേസിലെ അഞ്ചാംപ്രതി ആറ്റിങ്ങല്‍ കരിച്ചിയില്‍ ആശാന്‍വിള ക്ഷേത്രത്തിന്​ സമീപം ഉതൃട്ടാതിയില്‍ സോണി എന്നു വിളിക്കുന്ന ജയപ്രഭുവി(35)നെ ആറ്റിങ്ങല്‍ പൊലീസ് അറസ്​റ്റ്​ ചെയ്തു. അവനവഞ്ചേരി കൈപ്പറ്റിമുക്ക് ബ്രദേഴ്‌സ് ലൈബ്രറിക്ക്​ സമീപം കിഴക്കേവിള വീട്ടില്‍ കണ്ണനെ സംഘം ചേര്‍ന്ന് വെട്ടിപ്പരിക്കേല്‍പിക്കുകയായിരുന്നു. ഈ കേസുമായി ബന്ധപ്പെട്ട് രണ്ടാംപ്രതി കറുമ്പന്‍ ബിനു (42), അജീഷ് (32) എന്നിവരെ നേരത്തേ പിടികൂടിയിരുന്നു. ഫോണ്‍ വിളിയെ തുടര്‍ന്നുണ്ടായ തര്‍ക്കമാണ് വഴക്കിലും വെട്ടിലും കലാശിച്ചതെന്ന് പൊലീസ് പറഞ്ഞു. കേസുമായി ബന്ധപ്പെട്ട് മൂന്ന് പ്രതികളെക്കൂടി പിടികൂടാനുണ്ടെന്ന് പൊലീസ് പറഞ്ഞു.