രണ്ടുവയസ്സുകാരൻ തിരയിൽപെട്ട്​ മരിച്ചു

കഴക്കൂട്ടം: നഗരസഭ പൗണ്ടുകടവ് വാർഡിൽ വലിയവേളി കടപ്പുറത്ത് രണ്ടു വയസ്സുള്ള പിഞ്ചുകുഞ്ഞിനെ വീടിനു സമീപത്തെ കടലിൽ വീണു മരിച്ച നിലയിൽ കണ്ടെത്തി. വലിയവേളി തൈവിളാകത്ത് മത്സ്യത്തൊഴിലാളിയായ അനീഷ് - സുലു ദമ്പതികളുടെ ഏക മകനായ ഇക്കാലിയ ആണ് മരിച്ചത്. വ്യാഴാഴ്​ച ഉച്ചയോടെയാണ് സംഭവം. അയലത്തെ കുട്ടികളോടൊപ്പം രാവിലെ 11 മണിയോടെ വീട്ടിൽ കളിക്ക​െവ കുഞ്ഞിനെ കാണാതാകുകയായിരുന്നു. ഉടൻ വീട്ടുകാർ തുമ്പ പൊലീസിൽ വിവരം അറിയിച്ചു. പൊലീസ് സ്ഥലത്തെത്തി നടത്തിയ പരിശോധനയിൽ വീട്ടിൽനിന്ന് 300 മീറ്റർ മാറി വേളി പൊഴിക്കരക്ക്​ സമീപം കടൽക്കരയിൽ കുഞ്ഞിനെ കണ്ടെത്തി. തുമ്പ സി.ഐ അജീഷി​ൻെറ നേതൃത്വത്തിൽ കുട്ടിയെ തിരുവനന്തപുരത്തെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. തുടർന്ന്, ഇൻക്വസ്​റ്റ്​ നടപടികൾ പൂർത്തിയാക്കി മൃതദേഹം കേഡിക്കൽ കോളജ് ആശുപത്രി മോർച്ചറിയിലേക്ക് മാറ്റി. പോസ്​റ്റ്​മോർട്ടത്തിനുശേഷം വെള്ളിയാഴ്​ച വേളി പള്ളിയിൽ സംസ്കരിക്കും. മറ്റ് കുട്ടികളോടൊപ്പം വീട്ടിൽ കളിച്ചുകൊണ്ടിരിക്കെ, ഒരു പ്രാവശ്യം പിറകിലത്തെ ഗേറ്റ് വഴി പുറത്തുപോയ കുട്ടിയെ അമ്മ അകത്ത് കയറ്റുകയായിരുന്നു. പിന്നീട്, വീട്ടുകാരുടെ കണ്ണുവെട്ടിച്ച് മുന്നിലത്തെ ഗേറ്റിലൂടെ കുട്ടി വീണ്ടും പുറത്തിറങ്ങിയതാണ് ദുരന്തത്തിന് കാരണം. കുട്ടിയുടെ ദേഹത്തുണ്ടായിരുന്ന ആഭരണങ്ങൾ ഒന്നും നഷ്​ടപ്പെട്ടിട്ടില്ലെന്നും സംഭവത്തിൽ ദുരൂഹതയില്ലെന്നും തുമ്പ പൊലീസ് പറഞ്ഞു. ekkalia 2 Kzkm