Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightകണിയാപുരത്തുനിന്ന്...

കണിയാപുരത്തുനിന്ന് കെ.എസ്.ആർ.ടി.സി ബോണ്ട് സർവിസ് തുടങ്ങി

text_fields
bookmark_border
പോത്തൻകോട്: കെ.എസ്.ആർ.ടി.സി കണിയാപുരം ഡിപ്പോയിൽനിന്ന്​ യാത്രക്കാർക്കായി ബോണ്ട് സർവിസ് തുടങ്ങി. മംഗലപുരം ഗ്രാമപഞ്ചായത്ത് പ്രസിഡൻറ്​ വേങ്ങോട് മധു ഉദ്ഘാടനം ചെയ്തു. പഞ്ചായത്തംഗം മംഗലപുരം ഷാഫി, കണിയാപുരം ഡിപ്പോ ജനറൽ കൺട്രോളിങ് ഇൻസ്‌പെക്ടർ കെ.വി. ജയപ്രകാശ്, പി. സജീവ്, ഗിരീഷ്‌കുമാർ എന്നിവർ പങ്കെടുത്തു. സർക്കാർ ജീവനക്കാർക്കും സ്വകാര്യ സ്ഥാപന ജീവനക്കാർക്കും കിഴക്കേകോട്ടയിൽ എത്തിച്ചേരുന്ന വിധമാണ് സർവിസ് നടത്തുന്നത്. രാവിലെ എട്ടുമണിക്ക്​ കണിയാപുരത്തുനിന്ന് തുടങ്ങി പതിനാറാം മൈൽ, വേങ്ങോട്, പോത്തൻകോട്, ചെമ്പഴന്തി, മെഡിക്കൽ കോളജ്, പട്ടം, കിഴക്കേകോട്ട വരെയാണ് സർവിസ് നടത്തുന്നത്. വൈകീട്ട് അഞ്ചു മണിക്ക്​ തിരിച്ചും സർവിസ് ഉണ്ടായിരിക്കും. യാത്രക്കായി ട്രാവൽ കാർഡുകൾ ഉപയോഗിക്കാം. കണിയാപുരം ഡിപ്പോയിൽ നിന്ന്​ കാർഡുകൾ ലഭ്യമാകും. 5,10,15, 20, 25 ദിവസങ്ങളിലേക്കുള്ള കാർഡുകൾ ലഭിക്കും. ഒരു ദിവസം പോയിവരുന്നതിന് യാത്രക്കൂലി 160 രൂപയാണ് ഈടാക്കുന്നത്. ട്രാവൽ കാർഡെടുത്താൽ 130 രൂപയാകും യാത്രക്കൂലി. ഇതുവരെ 18 കാർഡുകൾ യാത്രക്കാർ വാങ്ങിയതായി കണിയാപുരം ജനറൽ സി.ഐ. കെ.വി. ജയപ്രകാശ് പറഞ്ഞു.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story