കോവിഡ് നിയന്ത്രണങ്ങൾ പാലിക്കുന്നില്ല

ബാലരാമപുരം: ബാലരാമപുരത്തെ ബാങ്കുകളിലേറെയും കോവിഡ് നിയന്ത്രണം പാലിക്കുന്നില്ലെന്ന ആക്ഷേപം വ്യാപകമാകുന്നു. രാവിലെ മുതൽ പല ബാങ്കുകൾക്ക് മുന്നിലും തിരക്ക് വർധിക്കുമ്പോൾ ബാങ്ക് ഉദ്യോഗസ്​ഥർ നിയന്ത്രണം പാലിക്കാൻ തയാറാകാതെ പോകുന്നതായാണ്​ ബാങ്കിലെത്തുന്നവർ പറയുന്നത്. രാവിലെ മുതൽ വലിയ തിരക്ക് അനുഭവപ്പെടുമ്പോഴും പ്രഹസനമെന്ന തരത്തിൽ ടോക്കൺ നൽകി അകലം പാലിക്കാതെ ബാങ്കിലെത്തുന്നവരെ ലൈനായി നിർത്തുന്നതായും ആക്ഷേപമുയരുന്നു. എ.ടി.എം കൗണ്ടറുകളിൽ സാനിറ്റൈസറുകളില്ലാത്തതും ഏറെയാണ്.